हामी सबैकाे संसारन्यूज

३२, साउन तुलसीपुर । दाङको सानो राप्ती नदीमा शनिबार राती मोटरसाइकल खस्दा एक जनाको ज्यान गएको छ ।

लु५७प ११०० नंको मोटरसाइकल नदीमा खस्दा गढवा गाउँपालिका–७ चन्दनपुर निवासी २६ वर्षीय सुरजनारायण चौधरी मृतावस्थामा फेला परेका छन् भने मोटरसाइकलमा उनीसँगै सवार सोही ठाउँका २७ वर्षीय मनोज चौधरी बेपत्ता भएका हुन् ।

लमहीबाट–गढवा जाँदै गर्दा शनिबार राती करिब ११ बजेको समयमा बलरामपुरस्थित सानो राप्ती नदीको पुलमा ठोक्किँदा मोटरसाइकलसहित दुवै जना नदीमा खसेको वडा प्रहरी कार्यालय गढवाका प्रहरी निरीक्षक प्रज्वल थपलियाले बताएका छन् ।

घटनामा दाङका बेपत्ता मनोजको सशस्त्र प्रहरीको गोताखोरद्वारा खोजीकार्य जारी रहेको प्रहरीले जनाएकोे छ । मृतकको शवलाई लमही अस्पतालमा राखिएको छ । रासस