Sansar News
काठमाडौं । नेपालमा कोरोना सक्रमणका कारण थप ५ जनाको मृत्यु भएको छ । पोखरामा दुई, ललितपुर, बाँके र धुलिखेलमा एक÷एक जनाको ज्यान गएको हो ।
गण्डकी प्रदेश स्वास्थ्य निर्देशनालयका अनुसार मंगलबार पोखरा महानगरपालिकामा रहेको सेवा अस्पतालमा एक र पोखरा स्वास्थ्य विज्ञान प्रतिष्ठानमा उपचाररत एक जना संक्रमितको मृत्यु भएको हो । पोखराको वडा नम्बर १६ दीपमा बस्ने ८७ वर्षका पुरुषको आज बिहान र तनहुँ ब्यास १ की ५० वर्षकी महिलाको गएराति ज्यान गएको हो ।
त्यस्तै ललितपुरको पाटन अस्पतालमा उपचाररत थप एक कोरोना संक्रमितको ज्यान गएको छ । कोरोना संक्रमणका कारण पश्चिम नवलपरासीका ३७ वर्षीया पुरुषको ज्यान गएको हो । गत शुक्रबार अस्पताल भर्ना भएका उनको शनिबार कोरोना संक्रमण भएको पुष्टी भएको थियो । मृतु भएका पुरुषमा उच्च रक्तचापको पनि समस्या थियो ।
यस्तै बाँकेमा र धुलिखेलमा पनि एक÷एक जना कोरोना संक्रमतिको ज्यान गएको छ । मंगलबार बिहान नेपाल शिक्षण अस्पताल बाँकेमा ६२ वर्षीया पुरुषको ज्यान गएको थियो भने धुलिखेल नगरपालिका–७ घर भएका ९८ वर्षीय बृद्धको धुलिखेल अस्पतालमा उपचारको क्रममा ज्यान गएको थियो ।
योसँगै नेपालमा कोरोनाका कारण ज्यान गुमाउनेको संख्या १ सय १२ पुगेको छ । मंगलबार ज्यान गुमाएका पाँच संक्रमितको बारेमा भने स्वास्थ्य तथा जनसंख्या मन्त्रालयले जानकारी दिईसकेको छैन् ।
वि.सं.२०७७ भदौ २ मंगलवार १३:०७ मा प्रकाशित
