हामी सबैकाे संसारन्यूज

२ भाद्र, काठमाडौँ । संस्कृति, पर्यटन तथा नागरिक उड्डयन मन्त्रालयले पर्यटन पूर्वाधार तथा पर्यटन उपज विकास साझेदारी कार्यक्रमका लागि प्रस्ताव आह्वान गरेको छ ।

मन्त्रालयले सूचना प्रकाशित गर्दै प्रदेश र स्थानीय तहमा पर्यटन पूर्वाधार तथा पर्यटन उपज विकास साझेदारी गर्न आयोजना र कार्यक्रमहरुका  लागि प्रस्ताव आह्वान गरेको हो ।

आर्थिक वर्ष २०७७/०७८ को बजेट तथा कार्यक्रम अनुसार प्रदेश र स्थानीय तहमा साझेदारी मार्फत पर्यटकीय गन्तव्यहरुको विकास गर्न ‘पर्यटन पूर्वधार तथा पर्यटन उपज विकास साझेदारी(सञ्चालन तथा व्यस्थापन)निर्देशिका, २०७७ मा २०७७’ मा व्यवस्था भए बम्मोजिम प्रस्ताव माग गरिएको जनाइएको छ ।

प्रस्ताव तयार पार्दा आव २०७७/०७८ र तत्पश्चात साझेदारी मार्फत कार्यान्वयन हुने आयोजना तथा कार्यक्रमहरुका लागि विवरणसहित तयार गरी २०७७ भाद्र मसान्तभित्र अनलाइनमार्फत पठाउन भनिएको छ ।

थप जानकारीका लागि यो सूचना हेर्नुहोला