हामी सबैकाे संसारन्यूज

२ भाद्र, काठमाडौँ । सरकारले प्रेस काउन्सिल नेपालको कार्यवाहक अध्यक्षमा दुर्गा भण्डारी (पौडेल) लाई तोक्ने निर्णय गरेको छ ।

सोमबार बसेको मन्त्रिपरिषद् बैठकले भण्डारीलाई कार्यवाहक अध्यक्षमा तोक्ने निर्णय गरेको अर्थ एवं सञ्चार तथा सूचना प्रवित्रिमन्त्री डा युवराज खतिवडाले जानकारी दिए । यसअघि सञ्चार मन्त्रालयले भण्डारीलाई काउन्सिलको सदस्यमा नियुक्ति गरेको थियो । भण्डारी विगत २५ वर्षदेखि मोफसलमा पत्रकारिता गर्दै आएकी छन् । झापा भद्रपुर नगरपालिका–८ मा जन्मिनुभएका भण्डारी हाल पोखरा महानगरपालिका–५ मा बस्दै आएकी छन् ।

आमसञ्चार तथा पत्रकारितामा स्नातकोत्तर तह उत्र्तिण गरेकी उनी कानून व्यवसायी हुन् । नेपाल पत्रकार महासङ्घको केन्द्रीय सदस्य, प्रेस चौतारी नेपालको सचिव र सञ्चारिका समूह पश्चिमाध्चलको अध्यक्ष रहेकी छन् ।

यसैगरी काउन्सिलको सदस्य पदमा पत्रकार दीपक पाण्डेले नियुक्ति भएका छन् । पत्रकार महासङ्घको केन्द्रीय सदस्य तथा लेखा संयोजक रहिसकेका पाण्डे दृष्टि साप्ताहिक, प्रकाश साप्ताहिकको सम्पादकको रुपमा काम गरिसकेका छन् । उनी हाल जनता टेलिभिजनको सम्पादक सल्लाहकारको रुपमा रहेका छन् । पाण्डेको सोमबार काउन्सिलमा सपथ ग्रहण गरिसकेका छन् ।