हामी सबैकाे संसारन्यूज

४ भदौ, काठमाडौं । अमेरिकामा रहेका एक नेपाली युवाको मृत्यु भएको छ ।

पुख्र्यौली थलो पोखरा भइ १५ वर्षदेखि अमेरिकाको न्युयोर्कमा बस्दै आएका ३९ वर्षीय अमर तामाङको उपचारका क्रममा मृत्यु भएको हो ।

क्यान्सर रोगसँग जुधिरहेका तामाङको उपचारकै क्रममा अगस्त १९ का दिन बिहान न्युर्योकको साइनाई अस्पतालमा मृत्यु भएको नेपाली जनसम्पर्क समिति अमेरिकाका सभापति आनन्द विष्टले बताएका छन् ।

नेपाली जनसम्पर्क समिति अमेरिकाका सक्रिय सदस्य तथा न्युर्योक च्याप्टरको उपसभापति समेत रहेका तामाङको मृत्युले जनसम्पर्क समिति अमेरिकाको सिंगो परिवार मर्माहत भएको भन्दै सभापति विष्टले दुःख व्यक्त गरेका छन् ।

‘नेपाली जनसम्पर्क समिति, अमेरिकाका सक्रिय सदस्य एवं समितिका न्युर्योक च्याप्टरको उपसभापति अमर तामाङको असामयिक निधनप्रति गहिरो शोक व्यक्त गर्दछौं,’ सभापति विष्टद्धारा जारी शोक वक्तव्यमा भनिएको छ, ‘नेपाली जनसम्पर्क समिति अमेरिकामार्फत् नेपाली कांग्रेसको संगठन विस्तार र निर्माणमा निरन्तर क्रियाशील भै काम गरेका यस परिवारका सदस्य तामाङको निधनले समितिको सिंगो परिवार अत्यन्त दुःखीत छ हामी सबै मर्माहत भएका छौं ।’