हामी सबैकाे संसारन्यूज

काठमाडौं । उत्तर कोरियाली राष्ट्रपति किम जोंग उनले आफ्नी कान्छी बहिनी किम यो जोंगलाई महत्वपूर्णं अधिकार सुम्मेका छन् । अन्तराष्ट्रिय सञ्चार माध्यमले जनाएअनुसार केहि महिनादेखि स्वास्थ्य समस्या झेलिरहेका उनले बहिनी जोंगलाई महत्वपूर्णं अधिकार सुम्मेका हुन् ।

महत्वपूर्णं अधिकार पाएसँगै किम यो जोंगले उत्तरका सबै मामिलाहरु हेर्न पाउने भएकी छिन् । हालै सम्पन्न वर्कर्स पार्टी अफ कोरियाको राष्ट्रिय भेलामा पनि उनले आफ्नी बहिनी जोंगलाई केहि अधिकार दिनेबारे प्रस्ताव राखेका थिए ।

किन अधिकार सुम्पे उनले ?

पछिल्लो विश्वव्यापी कोरोना महामारीबाट उत्तर कोरिया पनि नराम्रोसँग प्रभावित बनेको छ । आफ्नो देशमा कोरोना महामारी नदेखिएपनि बाहिरी देशसँगको सम्बन्धमा कमी आउँदा उत्तर प्रभावित बनेको हो । विश्वव्यापी कोरोना महामारी कै कारण उत्तरको अर्थव्यवस्थामा निकै नराम्रो प्रभाव परेको छ ।

अमेरिका र युरोपेली देशसँग कुटनीतिक सम्बन्ध गुमाएको उत्तरले कोरोना महामारीको कारण पनि साझेदार मुलुकसँगबाट सहयोग पाएको छैन् । चीन, रसिया, इरानलगायत देश हाल आफैं समस्यामा छन् ।

रिपोर्टअनुसार स्वास्थ्य समस्याले कमजोर बनेका राष्ट्रपति उनले कमजोर आर्थिक व्यवस्थालाई गति दिने उपाय स्वरुप पनि बहिनीलाई अधिकार सुम्पेका हुन् ।

जनाइएअनुसार आउँदै गरेको पार्टी कांग्रेसमा उत्तरले आगामी ५ वर्षको लागि आर्थिक विकासको योजनामा सपथ लिनेछ । कठिनाईका बीच उनले बहिनीलाई उत्तराधिकारीको रुपमा अगाडि सार्न खोजेका हुन् ।

उत्तर सन् १९९७ यताकै सबैभन्दा कमजोर अवस्थामा

सन् १९९७ पश्चात उत्तरको अर्थव्यवस्था अहिले सबैभन्दा बढि कमजोर अवस्थामा पुगेको अन्तराष्ट्रिय सञ्चार माध्यमको रिपोर्ट छ । रिपोर्टमा जनाइएअनुसार यस वर्षको गर्मीमा बढि वर्षाको कारण खाद्यान्न उत्पादनमा निकै कमी आएको थियो ।

साथै विश्वव्यापी कोरोना महामारीको कारण कुनै पनि वस्तु तथा सेवा बिक्री गर्न नपाउँदा उत्तरको अर्थव्यवस्था कमजोर बनेको हो । जनाइएअनुसार सुरक्षा क्षेत्रमा ठुलो लगानी गरेकै कारण पनि उत्तर कोरियाको अर्थतन्त्रमा केहि समस्या देखिएको छ । अमेरिकासँगको तनावको कारण उत्तरले पटक–पटक युद्धाअभ्यास गर्न हतियार उत्पादनमा लगानी बढाएको थियो । एजेन्सीको सहयोगमा