Sansar News
काठमाडौँ । नेपाल मेडिकल काउन्सिलको अध्यक्ष पदमा प्रा. डा ढुण्डीराज पौडेल नियुक्त भएका छन् । नवनियुक्त अध्यक्ष प्राडा पौडेलले स्वास्थ्य तथा खाद्य स्वच्छतामन्त्री निशा मेहतासमक्ष पद तथा गोपनीयताको शपथ लिएका छन् ।
प्राडा पौडेल हाल नेपालगञ्ज मेडिकल कलेज, कोहलपुरमा नाक, कान तथा घाँटी (ईएनटी) विभागका प्रमुखका रूपमा कार्यरत छन्। उनले चिकित्सा शिक्षा तथा स्वास्थ्य सेवाको क्षेत्रमा लामो समयदेखि योगदान दिँदै आएका छन् ।
यसअघि उनले वीर अस्पताल, भेरी अस्पताल, भरतपुर अस्पताल तथा दाङ अस्पतालमा विभिन्न जिम्मेवारीमा रहेर सेवा गरेका थिए ।
वि.सं.२०८३ भदौ ३ बुधवार १४:५२ मा प्रकाशित
