हामी सबैकाे संसारन्यूज

७ भदौँ, काठमाडौँ । । सन्दिप लामिछाने आवद्ध टिम जमैका तलैवाज सिपिएलको आफ्नो तेस्रो खेलमा गुयाना अमेजन वारियर्ससँग १४ रनले पराजित भएको छ । टस हारेर पहिले ब्याटिङ्ग गरेको गुयाना अमेजन वारियर्सले २० ओभर पनि पुरा खेल्न सकेन । गुयाना अमेजन वारियर्सले १९.१ ओभरमा १० विकेट गुमाउदैँ ११८ रन बनाएको थियो । गुयाना अमेजन वारियर्सका लागि ब्रान्डन किंगले सर्वाधिक २९ रन बनाएका थिए । जमैकाका लागि बलिङ्गमा मुजिब उर रशमानले सर्वाधिक ३ विकेट लिएका थिए ।

गुयाना अमेजन वारियर्सले दिएको ११९ रनको लक्ष्य जमैकाले पुरै २० ओभर खेल्दा पनि पुरा गर्न सकेन । जमैकाले २० ओभरमा ७ विकेट गुमाएर १०४ रनमात्र बनाउन सक्यो । जमैकाका लागि आन्द्रे आंद्रे रसले ३७ बलमा ५२ रनको विस्फोटक ब्याटिङ्ग गर्दा पनि आफ्नो टिमलाई जित दिलाउन भने सकेन्न ।

जमैका तलैवाज पराजित भएता तेस्रो खेलमा पनि सन्दिपको प्रदशर्न भने निकै राम्रो रहेको थियो । सन्दिपले आफ्नो ४ ओभरमा ८ रनमा दिएर २ विकेट लिएका थिए । उनले गुयाना अमेजन वारियर्सका कप्तान क्रिस ग्रीन र अलराउण्डर शेर्फेन रदरफोर्डको विकेट निकालेका थिए । उनले आफ्नो ४ ओभरमा १८ डटबल गरेका थिए ।

त्यसैगरि हिजो बेलुका भएको खेलमा सेन्ट लुसिया जुउक्सले सेन्ट किट्स एण्ड नेभिस प्याट्रियोसलाई १० रनले पराजित गरेको छ ।