हामी सबैकाे संसारन्यूज

काठमाडौं । राष्ट्रपतीय चुनावको मुखैमा अमेरिकी राष्ट्रपति डोनाल्ड ट्रम्प फसादमा परेका छन् । ट्रम्प पुरानो मुद्दामा पुनः तानिएर फेरी समस्यामा परेका हुन् । अन्तराष्ट्रिय सञ्चारमाध्यमले जनाएअनुसार अदालतले पोर्न स्टार स्टार्मी डेनियल्सलाई ५१ लाख रुपैयाँ तिर्न ट्रम्पलाई आदेश गरेको छ ।

के थियो मुद्दा ?

४० वर्षीया पोर्न स्टार डेनियल्सले आफुँ र ट्रम्पका बीच सम्बन्ध रहेको र ट्रम्पले सम्बन्ध लुकाउन पैसा दिएको भन्दै अदालतमा मुद्दा हालेकी थिइन् । उक्त आरोपलाई ट्रम्पले भने पुरै अस्वीकार गरेका थिए । अदालतले पनि उक्त मुद्दालाई खारेज गरेको थियो । तर, अदालतले अहिले आएर डेनियल्सको अदालती खर्च ट्रम्पले व्यहोर्नुपर्ने आदेश गरेको छ ।

क्यालिफोर्नियाको एक अदालतले ट्रम्पलाई पैसा तिर्नुपर्ने आदेश गरेको हो । मुद्दा खारेज भएसँगै डेनियल्सको वकिलले अदालतमा अदालती खर्चबारे न्याय मागेका थिए ।

Yup. Another win! #teamstormy https://t.co/1sBUWsA5tc

— Stormy Daniels (@StormyDaniels) August 21, 2020

यसअघि ट्रम्पलाई मुद्दा हालेपश्चात डेनियल्सले एक किताब लेखिकी थिइन् । जसमा उनले ट्रम्पसँग आफ्नो अफयर सम्बन्ध भएको कुरा खुलासा गरेकी थिइन् । जुन किताब निकै चर्चामा पनि आएको थियो ।

डेनियल्सले बताएअनुसार उक्त सम्बन्धलाई लुकाउन ट्रम्पले पैसा दिएका थिए । ट्रम्पले सम्बन्ध लुकाउन एक सम्झौता पनि गराएका थिए ।
ट्रम्पले सम्बन्धलाई लुकाउनको निमित्त लाखौं डलर पैसा दिएको डेनियल्सको भनाई छ । डेनियल्सले बताएअनुसार सन् २००६ मा उनीहरुका बीच गहिरो सम्बन्ध थियो । एजेन्सीबाट