हामी सबैकाे संसारन्यूज

कोरोना भाइरस अर्थात् कोभिड १९ विश्वकै लागि टाउको दुखाईको विषय बनेको छ । कोरोना संक्रमण बारे आ–आफ्नो तरिकाले अनुमान प्रस्तुत गर्ने र दाबा गर्ने गरिएका छन् ।

यसैक्रममा भारतीय स्वामी रामदेवले स्बाव परीक्षणबाट गरिने पिसीआर टेस्ट नगरीकनै आफूलाई कोरोना लागेको हो होइन थाहा पाउन सकिने दाबा गरेका छन् । भारतीय टेलिभिजन एबिपि न्यूजसँगको कुराकानीमा उनले सो कुरा बताएका छन् ।

उनले भनेका छन् ‘जसलाई कोरोनाको संक्रमण छ, उसमा स्वासप्रस्वास सम्बन्धी समस्या हुन्छ । कोरानाका बिरामीको फोक्सो फुल्ने र खुम्चने क्षमताको कमि हुन्छ । त्यसैले उनीहरु छिटोछिटो स्वास लिनु पर्ने हुन्छ ।’ यदि जो व्यक्तिले १ मिनेट सम्म स्वास तानेर रोक्न सक्छ उसलाई कोरोना संक्रमण हुन नसक्ने उनको दाबी छ । डाक्टरहरुले समेत यस्तो सुझाव दिने गरेको उनको भनाई छ ।

यसलाई दिनको ३ पटकसम्म गर्न उनको सुझाव छ ।

कोरोनाका विषयमा रामदेवले यसअघि सारेका तर्कहरु विवादस्पद् भएका कारण यसलाई पनि विश्वासै गर्न सकिने आधार भने देखिँदैन ।