Sansar News
काठमाडौं । नेत्र विक्रम चन्द ‘विप्लव’ नेतृत्वको नेपाल कम्युनिष्ट पार्टीका मध्य केन्द्रीय कमाण्डका सैन्य कमाण्डर जीवन लामा (जिमी)सहित दर्जनौं नेता जनता समाजवादी पार्टीमा प्रवेश गरेका छन् । आइतबार उनीहरु ८८ जनाको समुहमा पार्टी प्रवेश गरेका हुन् ।
लामासहित जनता समाजवादी पार्टी प्रवेश गर्नेमा मध्य केन्द्रीय कमाण्डका ब्यूरो सदस्यहरु प्रल्हाद फुयाँल, गोपाल जिम्बालगायत पनि छन् ।
समाजवादी प्रवेश गरेका उनीहरुलाई पार्टी अध्यक्षद्वय महन्थ ठाकुर, उपेन्द्र यादव, वरिष्ठ नेताहरु अशोक राई, बाबुराम भट्टराईलगायतले स्वागत गरेका थिए ।
विप्लव नेतृत्वको नेकपामाथि प्रतिबन्ध लगाइएपछि यसबीचमा दर्जनौं केन्द्रीय तहका नेताहरुले पार्टी परित्याग गरेका छन् । विप्लव नेकपाका धेरै नेताहरूले सत्तारूढ नेकपामै राेजेका छन् ।
वि.सं.२०७७ भदौ ७ आइतवार १४:१३ मा प्रकाशित
