हामी सबैकाे संसारन्यूज

नेपाल विद्युत प्राधिकारणका कार्यकारी निर्देशक कुलमान घिसिङ्गको ४ बर्षे कार्यकाल सकि नै लागेको छ । सुनिदैछ सरकार नियुक्तिको तयारी गर्दैछ । अझै विद्युत सम्बन्धि धेरै कामहरु गर्न बाँकी भएकोले कुलमानलाई नै थप मौका दिनु पर्छ भन्ने आवाज उठाइरहेका छन । नेपाल सरकारलाइ तपाईको राय के होला ?.

मेरो बिचारमा : नेपाल विद्युत् प्राधिकरणमा कार्यकारी निर्देशकको रुपमा कुलमान घिसिङ्ग नेतृत्वमा आएपछि उहाँको समुहले गर्दा माफिया र नेताहरुले लुटन पाएको छैनन् । दैनिक १४ घन्टाको अन्धकारमय लोड सेडिङ्गबाट उज्यालो तिर लाने अनि लोड सेडिङ्गलाइ शुन्यमा झारने काम भयो । आ.व २०६७/६८ सम्मको सञ्चित घाटा करिब ‘२७ अर्ब रुपैयाँ सञ्चित नोक्सानीमा रहेको संस्थालाई ४ वर्षभित्र वार्षिक १० अर्ब रुपैयाँ सर्वाधिक नाफा कमाउने सफल संस्थाका रूपमा उभ्याएका छन् ।

चार वर्षअघि २५ प्रतिशतभन्दा बढी विद्युत् चुहावटलाई करिब ११ प्रतिशतले नियन्त्रण गर्दै १५ दशमलव २७ प्रतिशतमा झारेको छ । चुहावट नियन्त्रणबाट प्राधिकरणले वित्तीय रूपमा करिब ८ अर्ब रुपैयाँ फाइदा भएको छ । प्राधिकरणले आर्थिक वर्ष २०७६/७७ सम्ममा प्रसारणलाइनको लम्बाइ ४ हजार २ सय २५ सर्किट किलोमिटर पु¥याएको छ । ग्रिड सबस्टेसनको क्षमता बढाएर ४ हजार १ सय ६१ एमभिए पु¥याएको छ । नेपाल भारतबीच विद्युत् प्रवाह हुनसक्ने अन्तर्देशीय प्रसारण संरचनाको क्षमता १५ सय मेगावाट पुगेको छ । बुटवल–गोरखपुर मैनहिया–सम्पत्तिया, इनरुवा–पुर्णिया लम्की–बरेली, कोहलपुर–उत्तरप्रदेश निमार्णको विभिन्न चरणमा पुगेका छन् । भने नेपाल र चीनबीच पनि रातोमाटे–रसुवागडी–केरुङ ४ सय केभी प्रसारणलाइन निमार्णका लागि प्राधिकरण र स्टेट ग्रिड चाइनाबीच सम्झौता भएको छ ।

विद्युतीय सवारीसाधनका लागि चर्जिङ स्टेसन बनाउने, विद्युतीय चुलोको प्रयोग बढाउने, विद्युतीय तार भूमिगत गर्ने कार्य सुरु, स्मार्ट थ्री फेज मिटर जडान र घरायसी ग्राहाकका लागि स्मार्ट मिटर जडान सुरु काम अघि बढाएको छ । यसरी काम गरेर देखाउने कुलमान घिसिङ्गसँग नेताहरु आफै इर्श्या गर्न थाले छन। तैपनि अब आउने केही समय लागि कुलमान घिसिङ्गलाई नै कार्यकारी निर्देशकको रुपमा नेपाल विद्युत् प्राधिकरणमा निरन्तरता दिनु देश र जनताको लागि उचित उपयुुक्त हित हुन्छ ।