हामी सबैकाे संसारन्यूज

८ भदौ, काठमाण्डौं । नेपालमा सोमबार ( ८ भदौ ) सम्म पिसीआर प्रविधिबा ६ लाख १० हजार ४६९ वटा कोरोना भाइरसको नमुना परीक्षण गरिएको छ ।
जसमा पछिल्लो २४ घण्टामा पिसीआर प्रविधिबाट १०,२३४ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले सोमबार आयोजित नियमित पत्रकार सम्मेलनमा जानकारी दिएका छन् ।

त्यसैगरी हालसम्म देशैभरी संक्रिय संक्रमित १३,७१५ रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ९,१५४ जनाको उपचार भइरहेको छ भने होम आइसोलेसनमा ४५६१ जना रहेका छन् ।

त्यस्तै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या ११,२७५ रहेको छ । यो संख्या केहि दिन यता घट्दै गएको हो ।

आज थपिएका ७४३ जनासँगै नेपालमा हालसम्म सक्रिय संक्रमितको संख्या ३२ हजार ६३८ पुगेको छ भने आज निको भएर १७५ जना डिस्चार्ज भएसँगै नेपालमा हालसम्म १८ हजार ८०६ जना कोरोना संक्रमणबाट मुक्त भएका छन् । साथै  आज थपिएका ८ जनासँगै नेपालमा हालसम्म कोरोना संक्रमणबाट मृत्यु हुनेको संख्या १५७ पुगेको छ ।

त्यसैगरी देशभरका विभिन्न अस्पतालको आइसीयुमा १३८ जना संक्रमित उपचाररत छन् । मन्त्रालयका अनुसार प्रदेश १ मा १८ जना, प्रदेश २ मा ४६ जना, बागमती प्रदेशमा ५७ जना, गण्डकी प्रदेशमा ३ र प्रदेश नं ५ मा १४ जना रहेका छन् । साथै बागमती प्रदेशका विभिन्न अस्पतालका भेन्टिलेटरमा १५ जना उपचाररत रहेका छन् ।

त्यस्तै ५०० भन्दा बढी संक्रमित उपचार रहेको जिल्ला मोरङ, पर्सा, रौतहट, महोत्तरी, सर्लाही, बारा र काठमाडौं गरी ६ वटा रहेका छन् । साथै हालसम्म संक्रमित शून्य भएका जिल्लाहरु मुस्ताङ र हुम्ला रहेका छन् ।

आज काठमाडौं उपत्यकामा २२४ सहित ७४३ जनामा कोरोना संक्रमण
नेपालमा आज काठमाडौं उपत्यकाका २२४ जनासहित देशैभरी ७४३ जना कोरोना संक्रमित थपिएका छन् ।

स्वास्थ्य तथा जनसंख्या मन्त्रालयका अनुसार आज काठमाडौंमा १७७, ललितपुरमा ३३ र भक्तपुरमा १४ नयाँ संक्रमित थपिएका हुन् ।

मन्त्रालयका अनुसार आज प्रदेश १ को इलाममा १, उदयपुरमा १, ओखलढुंगामा ३, खोटाङमा ४, झापामा ५, धनकुटामा २, मोरङमा ३१, संखुवासभामा २ र सुनसरीमा २३ जना संक्रमित थपिएका हुन् ।

प्रदेश २ को धनुषामा ५, पर्सामा ३४, बारामा ९४, रौतहटमा ५, सप्तरीमा १५, सर्लाहीमा ८ र सिराहामा १० जना संक्रमित थपिएका छन् ।

बागमती प्रदेशको काठमाडौंमा १७७, काभ्रेमा ५, चितवनमा ३२, दोलखामा १, धादिङमा २, भक्तपुरमा १४, मकवानपुरमा १८, रामेछापमा २, ललितपुरमा ३३ र सिन्धुपाल्चोकमा जनामा संक्रमण देखिएको छ ।

गण्डकी प्रदेशको कास्कीमा २, गोर्खामा १, तनहुँमा ३, नवलपरासीपूर्वमा ५, म्याग्दीमा १, बाग्लुङमा २ र स्याङजामा १ जना संक्रमित थपिएका छन् ।

त्यस्तै प्रदेश नं ५ को अर्घाखाँचीमा १, कपिलवस्तुमा ९, गुल्मीमा ४, नवलपरासीमा ५, पाल्पामा २, बर्दियामा २, बाँकेमा ८, रुपन्देहीमा ६ र रोल्पामा २ जनामा संक्रमण पु्ष्टि भएको छ ।

कर्णाली प्रदेशको जुम्लामा कालिकोटमा ३, सुर्खेतमा ११, जाजरकोटमा १९ र रुकुमपश्चिममा १८ जना संक्रमित थपिएका हुन् ।

सुदूरपश्चिम प्रदेशको कन्चनपुरमा १९, कैलालीमा ७९, डडेल्धुरामा ४, दार्चुलामा १, बाजुरमा १ र बैतडीमा ३ जना संक्रमित थपिएसँगै आज देशैभरी ७४३ जना संक्रमित थपिएका छन् । उनीहरुमा २४६ महिला र ४९७ पुरुष रहेका छन् । आज थपिएका ७४३ जनासँगै नेपालमा हालसम्मको कूल संक्रमितको संख्या ३२ हजार ६३८ पुगेको छ ।

आज १७५ जना जना कोरोना संक्रमणबाट मुक्त भएर डिस्चार्ज
नेपालमा आज १७५ जना कोरोना संक्रमित निको भएर अस्पतालबाट डिस्चार्ज भएका छन् ।

स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न आइसोलेशन सेन्टरहरुमा उपचाररत १७५ जना संक्रमणबाट मुक्त भएर डिस्चार्ज भएका हुन् ।

आज निको भएक १७५ जनासँगै नेपालमा कोरोना संक्रमणबाट मुक्त हुनेको संख्या १८ हजार ८०६ पुगेको छ ।

हालसम्म कुन प्रदेशमा कति निको भए त ?
प्रदेश १ मा १२८३, प्रदेश २ मा ४२४३, बागमती प्रदेशमा ७७५, गण्डकी प्रदेशमा १६१७, प्रदेश नं ५ मा ४५२६, कर्णाली प्रदेशमा १९८२ र सुदूरपश्चिम प्रदेशमा ४३८० जना गरी हालसम्म जम्मा १८ हजार ८०६ जना निको भएका हुन् ।

यस्तो छ क्वारेन्टिनमा रहनेको संख्या
प्रदेश १ मा १०९०, प्रदेश २ मा १२५९, बागमती प्रदेशमा ८६६, गण्डकी प्रदेशमा २५०७, प्रदेश नं ५ मा १५८२, कर्णाली प्रदेशमा ५२७, र सुदूरपश्चिम प्रदेशमा ३४४४ गरी जम्मा ११ हजार २७५ जना विभिन्न स्थानीय निकायका क्वारेन्टिनमा रहेका छन् ।

यस्तो छ संस्थागत तथा होम आइसोलेसनमा रहनेको संख्या
प्रदेश १ मा १२२९, प्रदेश २ मा १७१८, बागमती प्रदेशमा ३५७३, गण्डकी प्रदेशमा ३५८, प्रदेश ५ मा ८८४, कर्णाली प्रदेशमा ३६५ र सुदूर पश्चिम प्रदेशमा १०५७ जना गरी ९,१५४ जनाको विभिन्न अस्पताल तथा आइसोलेशन सेन्टरमा उपचार गराइरहेका छन् ।

त्यसैगरी होम आइसोलेशनमा प्रदेश १ मा २६३, प्रदेश २ मा ३५०० बागमती प्रदेशमा ४३५, गण्डकी प्रदेशमा १८, प्रदेश ५ मा २९८, कर्णाली प्रदेशमा २१ सुदूर पश्चिम प्रदेशमा २६ गरी ४५६१ जना होम आइसोलेशनमा बसेका छन् ।

कोरोना संक्रमणबाट रुपन्देहीका ४ सहित ८ जनाको मृत्यु
नेपालमा कोरोना संक्रमणबाट आज ३ महिलासहित ८ जनाको मृत्यु भएको छ । स्वास्थ्य तथा जनसंख्या मन्त्रालयका अनुसार आज मृत्यु हुनेमा सबैभन्दा बढी रुपन्देहीका रहेका छन् ।

आज रुपन्देहीमा ३ पुरुष र १ महिला गरी ४ जनाको मृत्यु भएको छ । साथै सुनसरी, मोरङ, पर्सा र काठमाडौंमा १/१ जनाको मृत्यु भएको हो ।

मन्त्रालयले दिएको जानकारी अनुसार आज सुनसरीका ६८ वर्षीय पुरुष, मोरङका ६५ वर्षीय पुरुष, पर्साकी ७० वर्षीया महिला, काठमाडौंकी ४८ वर्षीया महिला, रुपन्देहीकी ६७ वर्षीया महिला तथा रुपन्देहीकै ३८, ५३ र ५४ वर्षीय पुरुषको मृत्यु भएको हो । आज मृत्यु भएका ८ जनासँगै नेपालमा कोरोना संक्रमणबाट हालसम्म मृत्यु हुनेको संख्या १५७ पुगेको छ ।

नेपालमा हालसमको कोरोना अपडेटः ३१,९३५ संक्रमित, १८,६३१ निको, मृतकको संख्या १४९ पुग्यो