हामी सबैकाे संसारन्यूज

९ भदौँ, काठमाडौँ । सन्दिप लामिछाने आवद्ध टिम जमैका तलैवाजको तेस्रो खेल भोली बिहान गुयाना अमेजन वारियर्स विरुद्ध हुन गईरहेको छ । जमैका तलैवाज सिपिएलको यस सिजनमा पहिले पनि गुयाना अमेजन वारियर्ससँग १४ रनले पराजित भईसकेको छ । यस खेलमा जमैकालाई गुयाना अमेजन वारियर्स विरुद्धको हारको बदला लिने मौका रहने छ ।

सिपिएलको यस सिजनमा जमैकाले ३ खेल खेल्दा १ खेलमा जित र २ खेलमा हारको सामना गरेको छ भने गुयाना अमेजन वारियर्सले ४ खेल खेल्दा २ मा जित र २ मा हारको सामना गरेको छ ।

गुयाना विरुद्ध पहिले भएको खेलमा नेपाली युवा लेग स्पिनर सन्दिप लामिछानेले उत्कृष्ट प्रदर्शन गरेका थिए । उनले आफ्नो ४ ओभरमा ८ रन दिदैँ २ विकेट निकालेका थिए । गुयाना विरुद्ध पहिले पनि राम्रो प्रदर्शन गरेका कारणले गर्दा यस खेलमा पनि सन्दिप प्लेइङ्ग इलेवन पर्ने सम्भावना उच्च रहेको छ ।

खेल नेपाली समय भोली बिहान ३:१५ बाट सुरु हुने छ ।