Sansar News
८ भदौ, काठमाण्डौं । नेपालमा मंगलबार ( ९ भदौ ) सम्म पिसीआर प्रविधिबाट ६ लाख २१ हजार ९०१ वटा कोरोना भाइरसको नमुना परीक्षण गरिएको छ ।
जसमा पछिल्लो २४ घण्टामा पिसीआर प्रविधिबाट ११,३२७ वटा नमुना परीक्षण गरिएको स्वास्थ्य तथा जनसंख्या मन्त्रालयका प्रवक्ता जागेश्वर गौतमले मंगलबार आयोजित नियमित पत्रकार सम्मेलनमा जानकारी दिएका छन् ।
त्यसैगरी हालसम्म देशैभरी संक्रिय संक्रमित १४ हजार २५० रहेका छन् । ती मध्ये देशका विभिन्न अस्पताल तथा आइसोलेशन सेन्टरहरुमा ८,५८१ जनाको उपचार भइरहेको छ भने होम आइसोलेसनमा ५,६६९ जना रहेका छन् ।
साथै हालसम्म भारत लगायत विभिन्न देश र एक जिल्लाबाट अर्को जिल्लामा पुगेर क्वारेन्टिनमा बस्नेहरुको संख्या १० हजार ४५३ रहेको छ । यो संख्या केहि दिन यता घट्दै गएको हो ।
आज थपिएका ८५५ जनासँगै नेपालमा हालसम्म संक्रमितको संख्या ३३ हजार ५३३ पुगेको छ भने आज निको भएर ३१३ जना डिस्चार्ज भएसँगै नेपालमा हालसम्म १९ हजार ११९ जना कोरोना संक्रमणबाट मुक्त भएका छन् । साथ आज थपिएका ७ जनासँगै नेपालमा हालसम्म कोरोना संक्रमणबाट मृत्यु हुनेको संख्या १६४ पुगेको छ ।
मन्त्रालयका अनुसार बागमती प्रदेशका विभिन्न अस्पतालका भेन्टिलेटरमा १५ जनाको उपचार भइरहेको छ ।
त्यसैगरी ५०० भन्दा बढी संक्रमित उपचार रहेको जिल्ला मोरङ, पर्सा, बारा, रौतहट, महोत्तरी, सर्लाही र काठमाडौं गरी ६ वटा रहेका छन् । साथै हालसम्म संक्रमित शून्य भएका जिल्लाहरु मुस्ताङ र हुम्ला रहेका छन् ।
आज काठमाडौं उपत्यकाका २३२ सहित ८५५ जनामा कोरोना संक्रमण
नेपालमा आज काठमाडौं उपत्यकाका २३२ जनासहित देशैभरी ८५५ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयका अनुसार आज काठमाडौंमा काठमाडौंमा १९९ जना, भक्तपुरमा १४ र ललितपुरमा १९ जना नयाँ संक्रमित थपिएका हुन् ।
मन्त्रालयका अनुसार आज प्रदेश १ को उदयपुरमा १, ओखलढुंगामा १, खोटाङमा १, झापामा ५, मोरङमा ४३, सुनसरीमा १६, सोलुखुम्बुमा २ जना संक्रमित थपिएका हुन् ।
प्रदेश २ को धनुषामा ४२, पर्सामा ४, बारामा १७, महोत्तरीमा १७, रौतहटमा ४४, सप्तरीमा ३, सर्लाहीमा ५८ र सिराहामा ३ जना संक्रमित थपिएका छन् ।
बागमती प्रदेशको काठमाडौंमा १९९, काभ्रेमा ५, चितवनमा ३७, दोलखामा ३, धादिङमा ८, भक्तपुरमा १४, नुवाकोटमा १, मकवानपुरमा २, रामेछापमा १, ललितपुरमा १९ र सिन्धुपाल्चोकमा २ जनामा संक्रमण देखिएको छ ।
गण्डकी प्रदेशको कास्कीमा १३, गोर्खामा २, तनहुँमा ६, नवलपरासीपूर्वमा ४, पर्वतमा २, लम्जुङमा १ र बाग्लुङमा १ जना संक्रमित थपिएका छन् ।
त्यस्तै प्रदेश नं ५ को अर्घाखाँचीमा १, कपिलवस्तुमा २३, गुल्मीमा २, दाङमा १८, नवलपरासीमा ८, पाल्पामा ४, प्युठानमा ४, बर्दियामा ६, बाँकेमा १५, रुपन्देहीमा ६९ र रोल्पामा ३ जनामा संक्रमण पु्ष्टि भएको छ ।
कर्णाली प्रदेशको जुम्लामा कालिकोटा ५, जुम्लामा १, दैलेखमका ४, मुगुमा १, सल्यानमा ४ र सुर्खेतमा ५ जना संक्रमित थपिएका हुन् ।
सुदूरपश्चिम प्रदेशको अछाममा १९, कन्चनपुरमा १२, कैलालीमा १६ र डडेल्धुरामा २, डोटीमा ४५, बझाङमा ९ र बैतडीमा २ जना संक्रमित थपिएसँगै आज देशैभरी ८५५ जना संक्रमित थपिएका छन् । उनीहरुमा २७१ महिला र ५८४ पुरुष रहेका छन् । आज थपिएका जनासँगै नेपालमा हालसम्मको कूल संक्रमितको संख्या ३३ हजार ५३३ पुगेको छ ।
आज ३१३ जनाले कोरोना जितेर घर फर्किए, निको हुनेको संख्या १९ हजार नाघ्यो
नेपालमा आज ३१३ जना कोरोना संक्रमणबाट मुक्त भएर घर फर्किएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार देशका विभिन्न आइसोलेशन सेन्टरहरुमा उपचाररत ३१३ जना संक्रमणबाट मुक्त भएर डिस्चार्ज भएका हुन् । आज निको भएका ३१३ जनासँगै नेपालमा कोरोना संक्रमणबाट मुक्त हुनेको संख्या १९ हजार ११९ पुगेको छ ।
कूल संक्रमित मध्ये निको हुनेको यो संख्या ५७ प्रतिशत रहेको पनि मन्त्रालयले जानकारी दिएको छ ।
कोरोना संक्रमणबाट आज काठमाडौंका३ सहित ७ जनाको मृत्यु, मृतकको संख्या १६४ पुग्यो नेपालमा कोरोना संक्रमणबाट आज ७ जनाको मृत्यु भएको छ । आज मृत्यु भएकामा काठमाडौंका ३ जना, सिराहा, पर्सा, धनुषा र रुपन्देहीका १\१ जना गरेर ७ जनाको मृत्यु भएको हो । जसमा १ महिला र ६ जना पुरुष रहेका छन् । स्वास्थ्य तथा जनसंख्या मन्त्रालयका अनुसार आज काठमाडौंकी ७१ वर्षीया महिला, सिराहाका २२ वर्षीय पुरुष, पर्साका ६८ वर्षीय पुरुष, धनुषाका ७६ वर्षीय पुरुष, काठमाडौंका ७६ र ६४ वर्षीय पुरुष र रुपन्देहीका ५३ वर्षीय पुरुषको कोरोना संक्रमणबाट मृत्यु भएको स्वास्थ्य मन्त्रालयले जानकारी दिएको छ । आज मृत्यु भएका ७ जनासँगै नेपालमा कोरोना संक्रमणबाट मृत्यु हुनेको संख्या १६४ पुगेको छ ।हेर्नुहोस् यस्तो छ नेपालमा भदौ ८ गते सम्मको कोरोना अपडेटको पूर्ण विवरण
वि.सं.२०७७ भदौ ९ मंगलवार १८:१३ मा प्रकाशित
