Sansar News
११ भदौ, काठमाडौं । नेपालमा आज पनि कोरोना संक्रमणबाट ५ महिलासहित ८ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ललितपुरकी ६५ वर्षीया, बाराकी २३ वर्षीया, कास्कीकी ३२ वर्षीया, रुपन्देहीकी ७० वर्षीया र बाँकेकी ७० वर्षीय महिलाको मृत्यु भएको हो ।
त्यसैगरी काठमाडौंका ४८ वर्षीय,पर्साका ६२ वर्षीय र कपिलवस्तुका ५० वर्षीय एक पुरुष गरी आज जम्मा ८ जनाको मृत्यु भएको स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले जानकारी दिएका छन् ।
आज थपिएका ८ जनासँगै नेपालमा कोरोना संक्रमणबाट मृत्यु हुनेको संख्या १८३ पुगेको छ । नेपालमा हालसम्म कूल संक्रमित मध्ये मृत्यु हुनेको यो संख्या ०.५२ प्रतिशत रहेको पनि मन्त्रालयले जनाएको छ ।
कोरोना संक्रमणबाट आज पनि ११ जनाको मृत्यु, मृतकको संख्या १७५ पुग्यो
वि.सं.२०७७ भदौ ११ बिहीवार १७:१८ मा प्रकाशित
