Sansar News
काठमाडौं – मन्त्रिपरिषदको बैठकले असोज १ देखि अन्तर्राष्ट्रिय उडान सञ्चालन गर्ने निर्णय गरेको छ । दैनिक बढीमा ८ सय यात्री हुने गरी अन्तर्राष्ट्रिय उडान गर्ने निर्णय गरेको हाे ।
विदेशबाट यात्री ल्याउँदा विगतमा पर्याप्त आइसोलेशन स्थल नभएका कारण उडान रोक्नुपरेको सरकारका प्रवत्ता मन्त्री खतिवडाले बताए । अब आइसोलेशनको समस्या नपर्ने भएकाले पहिला ५ सय ल्याउने भनेकोमा अहिले ८ सय ल्याउनेगरी थप गरेको जानकारी दिए ।
यस्तै नेपालमा परिवारका सदस्य विरामी भएका वा मृत्यु भएमा गैर आवासीय नेपालीलाई नेपाल आउन अनुमति दिने निर्णय भएको छ । वैदेशिक रोजगारीमा नेपाली गएका तर सम्वन्धित देशमा पिसिआर परिक्षण नहुने भएमा भने नेपाल आउन पाइनेछैन ।
वि.सं.२०७७ भदौ १५ सोमवार १७:५९ मा प्रकाशित
