Sansar News
काठमाडौं । भारतका पूर्वराष्ट्रपति प्रणब मुखर्जीको निधन भएको छ । ८४ वर्षीया मुखर्जीको दिल्ली केन्टस्थित आर्मी रिसर्च एण्ड रेफरल अस्पतालमा उपचारको क्रममा निधन भएको हो ।
भारतीय अनलाईन अमर उज्यालाका अनुसार गत अगस्ट १० मा उनको मस्तिष्कको शल्यक्रिया गरिएको थियो । त्यसयता उनको अवस्था अत्यन्तै जटिल बनेको थियो । फोक्सोमा समेत गम्भीर समस्या देखिएका उनलाई केहि दिनदेखि भेन्टिलेटरमा राखेर उपचार गरिएको थियो ।
मुखर्जीको अस्पताल भर्ना हुँदै गर्दा गरिएको कोरोना परिक्षण रिपोर्ट पोजेटिभ आएको थियो । जसबारे मुखर्जीले नै ट्विट गर्दै जानकारी गराएका थिए ।
वि.सं.२०७७ भदौ १५ सोमवार १९:४१ मा प्रकाशित
