Sansar News
१६ भदौ, काठमाडौं । नेपालमा आज पनि कोरोना संक्रमणबाट ११ जनाको मृत्यु भएको छ ।
स्वास्थ्य तथा जनसंख्या मन्त्रालयका अनुसार आज ७ जिल्लाका ११ जनाको मृत्यु भएको छ । जसमा एकजना महोत्तरीकी ४ वर्षीया बालिका रहेकी छन् भने १० जना पुरुष रहेका छन् ।
आज महोत्तरीका ३७ वर्षीय, सिराहाका ६५ वर्षीय, पर्साका ५३, ८० र ६० वर्षीय ३ पुरुष, बाराका ६० वर्षीय, चितवनका ५२ वर्षीय, काठमाडौंका ७० र ३५ वर्षीय २ जना र मकवानपुरका ५८ वर्षीय पुरुष गरी जम्मा १० पुरुष र १ बालिका गरी ११ जनाको मृत्यु भएको हो ।
आज थपिएका ११ जनासँगै नेपालमा कोरोना संक्रमणबाट मृत्यु हुनेको संख्या २३९ पुगेको स्वास्थ्य मन्त्रालयका प्रवक्ता डा. जागेश्वर गौतमले जानकारी दिएका छन् ।
कोरोना संक्रमणबाट आज पनि ७ जनाको मृत्यु, मृतकको संख्या २२८ पुग्यो
वि.सं.२०७७ भदौ १६ मंगलवार १७:१४ मा प्रकाशित
