हामी सबैकाे संसारन्यूज

१७ भदौँ, काठमाडौँ । वैदेशिक रोजगारमा जानेहरुको श्रम स्वीकृतिका लागि नो अब्जेक्सन लेटर(एनओसी) अनिवार्य रुपमा पेश गर्नुपर्ने भएको छ ।

वैदेशिक रोजगार कार्यालय, ताहाचलले सूचना जारी गर्दै वैदेशिक रोजगारका लागि श्रम स्वीकृतिका लागि रोजगारदाता कम्पनीले जारी गरेको नो अब्जेक्सन लेटर सम्बन्धित नेपाली दूतावासबाट प्रमाणीत गराई पेश गर्नुपर्ने जनाएको हो ।

मन्त्रीपरिषद् बैठकले श्रमिक लैजान तयार भएका मूलुकमा श्रम स्वीकृति प्रदान गर्ने निर्णय गरेको थियो । उक्त निर्णय कार्यान्वयनमा ल्याउने क्रममा सम्वन्धित रोजगारदाता मुलुकको रोजगारदाताको नो अब्जेक्सन लेटर अनिवार्य गरिएको हो ।

कार्यालयले २०७६ फागुन २९ गते अघि प्रमाणित मागपत्र प्रमाणित भई पूर्व स्वीकृति लिएकाको हकमा अन्तिम श्रमस्वीकृति लिनका लागि र पूर्व स्वीकृति लिने प्रकृयामा रहेका र नयाँ मागपत्रको हकमा समेत गन्तव्य मुलुकको रोजगारदाताले हालै जारी गरेको एनओसी सम्बन्धित नेपाली दूतावासबाट प्रमाणीत गराई अनिवार्य रुपमा पेश गर्नुपर्ने उल्लेख गरेको छ ।

नयाँ व्यक्तिगत श्रम स्वीकृतिका हकमा गन्तव्य मुलुकको सम्बन्धित रोजगारदाताको आधिकारीक ईमेलमार्फत हालै जारी गरिएको नो अब्जेक्सन लेटर वैदेशिक रोजगार कार्यालयको आधिकारीक इमेलमा प्राप्त भएको हुनुपर्ने जनाएको छ ।

मन्त्रीपरिषद् बैठकले श्रमिक लैजान तयार भएका मूलुकमा श्रम स्वीकृति प्रदान गर्ने निर्णय गरेको थियो । उक्त निर्णय कार्यान्वयनमा ल्याउने क्रममा सम्वन्धित रोजगारदाता मुलुकको रोजगारदाताको नो अब्जेक्सन लेटर अनिवार्य गरिएको हो ।

कोरोना भाइरसको जोखिम बढ्दै गएपछि सरकारले गत २९ फागुनदेखि वैदेशिक रोजगारीमा जाने कामदारको सबै श्रम स्वीकृति बन्द गरेको थियो । पुनः श्रम स्वीकृति १८ असारमा खुलाइए पनि नयाँ श्रम स्वीकृति खुला गरिएको थिएन ।