हामी सबैकाे संसारन्यूज

काठमाडौं । सत्तारुढ नेपाल कम्युनिष्ट पार्टी (नेकपा)को सचिवालय बैठक दिउसो ३ बजेसम्मका लागि सारिएको छ । नेकपा अध्यक्ष एवं प्रधानमन्त्री केपी शर्मा ओलीका प्रेस सल्लाहकार सूर्य थापाले बैठक दिउसो ३ बजेसम्मको लागि सरेको जानकारी दिए ।

जनाइएअनुसार गृहकार्य नपुगेको भन्दै बैठक सारिएको हो ।

जनाइएअनुसार आजको बैठकमा विवाद समाधान कार्यदलका सदस्यहरुलाई पनि सहभागि गराइने तयारी गरिएको छ । पार्टी महासचिव विष्णु पौडेल नेतृत्वको कार्यदलमा नेताहरु भीम रावल, सुरेन्द्र पाण्डे, जनार्दन शर्मा, शंकर पोखरेल र पम्फा भुसाल छन् ।

आजको सचिवालय बैठकमा कार्यदलको प्रतिवेदन र राष्ट्रिय सभा सदस्यबारे छनौटबारे छलफल गर्ने कार्यसूची रहेको बताइएको छ । यसअघि बुधबार साँझ पार्टी दुई अध्यक्ष केपी शर्मा ओली र पुष्पकमल दाहाल ‘प्रचण्ड’बीच सचिवालय बैठकमा राखिने एजेण्डाबारे छलफल भएको थियो ।