हामी सबैकाे संसारन्यूज

१८ भदौ, काठमाडौँ । राष्ट्रिय प्रजातन्त्र पार्टीका(राप्रपा) अध्यक्ष डा. प्रकाशचन्द्र लोहनीले सरकार नै जनताको विरुद्धमा सक्रिय भएको आरोप लगाएका छन् ।

पत्रपत्रिकामा आएका समाचारका आधारमा उनले सरकारले जनताको काम गर्न नसकेको भन्दै ‘अब तपाई भन्नुस नेपाली जनताको बिरुद्ध नेपालमा को सक्रिय छ ?’ भन्ने प्रश्न गरेका छन् ।

उनी भन्छन् :
तपाई आजको राष्ट्रिय छापाहरु हेर्नुहोस्
१) काठमाडौँ मा जति सुकै बेसर पानी पिए पनि कोविड संक्रमण बढ्दै छ र काठमाडौँ मा बन्देज कायम छ । तर नेपालका गरिब किसानहरु केहि केजी मलको लागि भिडम भिड गरेर लाममा घन्टौ बस्न बाध्य छन्। तैपनि मल छैन तर बच्नको लागि कोविड को जोखिम मोल्न जनता बाध्य छन् । यस बारे सरकार लाई वास्ता छैन । तरको अर्थमन्त्री हुने भन्ने कुरो नै सबैभन्दा प्राथमिकतामा परेछ ।

२) कोविडको महामारी भारतमा छ । तर, सुदुर पस्चिमान्चल बाट हजारौ युवा हरु कोरोन पिडित भारतमा जाँदै गरेको तस्बिर आजका छापाहरुमा छन् । डाक्टर हेम राज पन्त ले भने जस्तो यो भन्दा लज्जास्पद कुरो के हुन्छ ? संकटमा परेको क्षेत्रका जनताको लागि कामको लागि खाद्यान्न व्यवस्था गरि देश भित्रै बच्ने बाताबरण किन बनाउन नसकेको ? के यो देशमा सरकार छ कि लुट को राज्य छ ?

३) एकातिर पैसाको अभाव भनिन्छ भने अर्काे तिर मुवाब्जासम्म वितरण नगरी कानुन बिपरित तिस अरब को रेल बनाउने ठेक्का मिलोमतो मा बाडीना लाग्यो भन्ने खबर ब्याप्त छ । तर सरकार मौन छ हरियो मकै बारी मा पसेको साढे जसले जे गरे पनि मकै खान नछोड्ने जस्तो उसको चरित्र छ ।

अब तपाई भन्नुस नेपाली जनताको बिरुद्ध नेपाल मा को सक्रिय छ ?