हामी सबैकाे संसारन्यूज

१८ भदौ, काठमाडौं । जापानमा कार्यरत एक नेपाली युवाको मृत्यु भएको छ ।

भोजपुर रामप्रसाद राई गाउँपालिका दलगाउँ दिपेनीका ३८ वर्षीया आइन्द्रा राईको बुधबार उपचारका क्रममा मृत्यु भएको हो ।

केही समयदेखि कलेजेको रोगबाट ग्रसित भई उपचार गराईरहेको अवस्थामा राईको बुधबार खावाकिता सोगोउ व्योइन अस्पताल आसागयामा उपचारकै क्रममै मृत्यु भएको जापानबाट रवीन्द्र दिखुक्पाले बताएका छन् ।

दिखुक्पाले अल्पायुमै भएको उनको निधनले सबैलाई स्तब्ध बनाएको भन्दै दुःख व्यक्त गरेका छन् ।

उनको पारीवारिक अवस्था कमजोर भएकाले सहयोग गरिदिनुहुन मृतक राईकी श्रीमती कुसुम राईले सबैमा अपिल गरेको पनि  दिखुक्पाले बताएका छन् ।