हामी सबैकाे संसारन्यूज

काठमाडौं । ईरानी राष्ट्रपनि हसन रुहानीले कोरोना महामारीले आफ्नो देश निकै संकटमा पुगेको कुरा खुलाएका छन् । राजधानी तेहरानमा शनिबार भएको एक कार्यक्रममा बोल्दै उनले संकटको बेला छिमेकी र मित्र भनिएका देशले पनि साथ नदिएको बताए ।

रुहानीले दुःखीत हुँदै अति संकटको बेला अमेरिकाले प्रतिबन्ध लगाएर थप समस्या सिर्जना गरेको बताए । उनले भने, ‘हाम्रा मित्र भनिएका देशले पनि यस समयमा अमेरिकी प्रतिबन्धलाई छोडेर हामीलाई साथ दिनुपथ्र्यो । अमेरिकाले पनि केहि मानवियता देखाउनु पथ्र्यो । तर हुन सकेन ।’

इरानमा हालसम्म कोरोना संक्रमितको संख्या झण्डै ४ लाख पुगेको छ । यसबीच २२ हजारको ज्यान कोरोना संक्रमणका कारण गएको छ ।

दिनहुँ कोरोना संक्रमित बढिरहेको बेला ईरान निकै संकटमा फसिरहेको छ । तर, यहीबीच अमेरिकी राष्ट्रपति डोनाल्ड ट्रम्पले ईरानमाथि सबै सम्झौता खारेज गर्दै कडा प्रतिबन्धको घोषणा गरेका छन् ।

ट्रम्पले युरोपेली देशहरुसँग पनि ईरानलाई सहयोग नगर्न आग्रह गरेका छन् । अमेरिकाको प्रतिबन्धका बीच छिमेकी कतिपय देशले पनि ईरानलाई असहयोग गरिरहेको छ । एजेन्सीबाट