हामी सबैकाे संसारन्यूज

२२ भदौ, काठमाडौं । हाल प्रदेश १, प्रदेश २, बाग्मती प्रदेश, गण्डकी प्रदेश र प्रदेश ५ मा सामान्य देखि पूर्ण बदली रही बाँकि प्रदेशहरुमा आंशिक देखि सामान्य बदली रहेको छ ।

प्रदेश १, प्रदेश २, बागमती प्रदेश र गण्डकी प्रदेशका थोरै स्थानहरुमा हल्का देखि मध्यम वर्षा भईरहेको छ भने आज दिउँसो देशभर सामान्यतया बदली रहि केहि स्थानहरूमा मेघगर्जन/चट्याङ्ग सहित हल्कादेखि मध्यम वर्षाको सम्भावना रहेको छ ।

आज प्रदेश नं १, प्रदेश २, बाग्मती प्रदेश र गण्डकी तथा प्रदेश ५ का एक वा दुई स्थानहरुमा भारी वर्षाको समेत सम्भावना रहेकोले आवश्यक सतर्कता अपनाउन पनि मौसम पूर्वानुमान महाशाखाले अनुरोध गरेको छ ।

महाशाखाका अनुसार आज कोशी, नारायणी, कन्काई जलाधारका केहि स-साना सहायक नदीमा क्षणिक मध्यम बर्षा भई बहाब केहि बढ्ने र केही साना नदीमा आकस्मिक बहाब हुन सक्ने छ ।

त्यस्तै प्रदेश १ र २ र गण्डकी प्रदेशको मध्यपहाडी,तराई र चुरे भई बहने साना नदीमा बहाव केहि बढ्ने तर सतर्कता भन्दा तलै हुने पनि महाशाखाले जनाएको छ ।