हामी सबैकाे संसारन्यूज

२२ भदौ, काठमाडौं । गण्डकी प्रदेशमा आज बिहानै ६७ जना कोरोना संक्रमित भेटिएका छन् ।

प्रदेशको स्वास्थ्य निर्देशनालयका अनुसार क्षयरोग उपचार केन्द्र पोखरामा गरिएको नमुना परीक्षणमा आज बिहानै विभिन्न जिल्लाका थप ६७ जना संक्रमित थपिएका हुन् ।

निर्देशनालयका अनुसार आज थपिएका ६७ जनामा कास्कीका मात्रै ३१ जना रहेका छन् । जसमा पोखरा महानगरपालिकामा रहेको पोखरा फुड्स प्रा.लिमा कार्यरत १७ महिला र ८ पुरुष गरी २५ जना संक्रमित भएका छन् ।

त्यस्तै पोखरा मेट्रोसिटी अस्पतालमा उपचाररत २ जना, पोखराको पुथ्वी चोकमा रहेको पश्चिमान्चल सामुदायिक अस्पतालमा कार्यरत २ स्टाफ नर्स र २ सहयोगी कर्मचारी गरेर ४ जना संक्रमित भएका छन् ।

त्यस्तै नवलपरासीपूर्व देवचुलीका एक स्वास्थ्यकर्मीसहित १५ जना संक्रमित भएका छन् भने गोरखामा १८ जना र तनहुँमा ३ जना गरी ६७ संक्रमित थपिएको निर्देशनालयले जनाएको छ ।

आज थपिएका ६७ सँगै गण्डकी प्रदेशमा कोरोना संक्रमितको संख्या २,५९८ पुगेको छ ।