हामी सबैकाे संसारन्यूज

काठमाडौं । नेकपाका प्रवक्ता नारायणकाजी श्रेष्ठ आलोचनात्मक चेत हुनेबाट तर्सिनु नपर्ने तर चाकडीबाज भने जोगिनु पर्ने बताउँछन् । प्रशंसा र भजन मात्रै गाउनेहरुले डुबाउने उनको तर्क छ ।

‘‪आलोचनात्मक चेत भएका साँच्चैका हितैषी हरुले आफुले ठिक नदेखेको कुरा समयमै भन्छन् र गल्ति गर्न वा पतनबाट बचाउँछन्, जवकी निहीत स्वार्थ केन्दृत अन्ध चाकडीवाजहरुले प्रशँसा र भजन मात्रै गाँउछन् र डुवाउछन्’ श्रेष्ठ अघि भन्छन्, ‘आलोचनात्मक चेत भएका मित्रहरुमा भर गरौं, स्वार्थी अन्ध प्रशंसकमा होइन।‬ ’

एक अर्को प्रसंगमा श्रेष्ठले लोकतन्त्रको विकल्प नभएको बताएका छन् । उनले लोकतान्त्रिक परिपाटीमा विचार सुन्ने सहिष्णुता र छलफल गर्ने धैर्यता हुने भन्दै निरंकुश तन्त्रमा त्यसको उपलब्धता नहुने बताउँछन् । लोकतन्त्रको विकल्प निरंकुश तन्त्र होइन भन्दै उनले लोकतान्त्रिक प्रक्रियामा हुने ढिलाईलाई गलत ढंगबाट बुझ्न नहुने बताए ।

‪उनले भनेका छन्, ‘लोकतान्त्रिक पध्दति अन्तर्गत कार्यगर्दा केही प्रकृयागत ढिलाई हुन सक्छ ।बिचार सुन्ने सहिष्णुता र छलफल गर्ने धैर्यता चाहिन्छ लोकतन्त्रमा ।निरङ्कुश तानाशाही तन्त्र छलफलको ‘झञ्झट’बाट मुक्त र छिटो काम हुने ब्यबस्था लाग्न सक्छ । तर लोकतन्त्र नै उत्तम हुन्छ, निरङ्कुशतन्त्र होइन ।‬’

यस्तो छ सामाजिक सञ्जालमा श्रेष्ठले लेखेको मननीय विचार

आलोचनात्मक चेत भएका साँच्चैका हितैषी हरुले आफुले ठिक नदेखेको कुरा समयमै भन्छन् र गल्ति गर्न वा पतनबाट बचाउँछन्, जवकी निहीत स्वार्थ केन्दृत अन्ध चाकडीवाजहरुले प्रशँसा र भजन मात्रै गाँउछन् र डुवाउछन् ।त्यसैले आलोचनात्मक चेत भएका मित्रहरुमा भर गरौं, स्वार्थी अन्ध प्रशंसकमा होइन।‬

बिचार सहितको विवेक भएकाहरु मुर्खले जस्तो सुर्याइँ नदेखाउन सक्छन् र निर्णय एवं कार्य गर्नु अघि सँशयकारी जस्ता देखिन सक्छन् । तर बिचार सहितका विवेकी हरु नै सुरा मुर्खहरु भन्दा भरपर्न लायक हुन्छन् ।‬

‪लोकतान्त्रिक पध्दति अन्तर्गत कार्यगर्दा केही प्रकृयागत ढिलाई हुन सक्छ । बिचार सुन्ने सहिष्णुता र छलफल गर्ने धैर्यता चाहिन्छ लोकतन्त्रमा ।निरङ्कुश तानाशाही तन्त्र छलफलको ‘झञ्झट’ बाट मुक्त र छिटो काम हुने ब्यबस्था लाग्न सक्छ । तर लोकतन्त्र नै उत्तम हुन्छ,निरङ्कुशतन्त्र होइन ।‬