हामी सबैकाे संसारन्यूज

२६ भदौँ, काठमार्डौँ । यस वर्षको सिपिएलमा अपराजित रहदैँ ट्रिनबागो नाइट राइडरर्सले उपाधि जित्न सफल भएको छ । हिजो राति भएको फाइनलमा ट्रिनबागो नाइट राइडरर्सले सेन्ट लुसिया जुउक्सलाई ८ विकेटले पराजित गर्दौँ उपाधि आफ्नो नाममा गरेको हो ।

टस हारेर पहिले ब्याटिङ्ग गरेको सेन्ट लुसिया जुउक्सले १९.१ ओभरमा १० विकेट गुमाएर १५४ रन बनाएको थियो । जुउक्सका लागि आद्रें फ्लेचरले सर्वाधिक ३९ रन बनाएका थिए । ट्रिनबागोका लागि बलिङ्गमा कप्तान काइरन पोलाडले ४ विकेट लिएका थिए ।

सेन्ट लुसिया जुउक्सले दिएको १५५ रनको लक्ष्य ट्रिनबागो नाइट राइडरर्सले १८.१ ओभरमा २ विकेट गुमाएर पुरा गरेका थिए । ट्रिनबागोका लागि लेन्डल सिमन्सले ४९ बलमा ८४ रनको विस्फोट पारी खेलेका थिए ।

यस जितसँगै ट्रिनबागो नाइट राइडरर्स चौथो पटक सिपिएलको विजेता बनेको छ ।