हामी सबैकाे संसारन्यूज

काठमाडौं । सत्तारुढ नेकपाका प्रवक्ता नारायणकाजी श्रेष्ठले कोरोना महामारीबाट पीडित परिवार तथा समुदायलाई सहयोग गर्न स्वंयसेवी समुहको गठन गरेका छन् । उनले आफ्नो सचिवालयमातहत रहने गरि २९ सदस्यीय स्वंयसेवी समुह गठन गरेका हुन् ।

श्रेष्ठले गठन गरेको समुहले कोभिड उपचारसम्बन्धी प्रक्रियामा समन्वय गर्ने, मनोसामाजिक परामर्श दिने, आपतकालिन स्वास्थ्य परामर्श दिने, आप्रवासी श्रमिक उद्धार तथा सुरक्षित घर फिर्तीमा समन्वय तथा सहयोग गर्ने र कोभिड–१९ बारे सचेतना दिने उद्देश्य राखेको छ ।

जनाइएअनुसार समुहले सरकारको नीति र योजनाअन्तर्गत सहयोग पुर्याउनेछ । सरकारले कोरोना नियन्त्रण र उपचारको सन्र्दमा गरिरहेको कार्यमा श्रेष्ठ मातहतको कमिटीले समन्वय तथा सहयोग गर्नेछ । साथै कन्ट्याक टे«ेसिङ्गमा परेका व्यक्तिको पिसिआर परीक्षण गर्न पनि समन्वय गर्नेछ ।

कोभिड–१९को महामारीबाट ठुलो समुदाय त्रसित बनेको छ । श्रेष्ठ मातहतको स्यंसेवी कमिटीले मनोपरामर्शलाई पनि विशेष केन्द्रीत गरेको छ । उक्त कमिटीले त्यस्ता समस्यामा परेका व्यक्ति तथा परिवारलाई परामर्श दिने काम पनि गर्नेछ ।

कोरोना महामारीको बेला विदेशमा अलपत्र परेका नागरिकलाई पनि स्वंयसेवी कमिटीले सहयोग गर्नेछ । कमिटीले अप्ठ्यारोमा परेका नागरिकलाई सम्र्पक गर्न कमिटीका सदस्यको नाम र नम्बरसमेत सार्वजनिक गरेको छ ।