हामी सबैकाे संसारन्यूज

काठमाडौं । राष्ट्रपति विद्या देवी भण्डारीले सिन्धुपाल्चोक घटनाप्रति दुःख व्यक्त गरेकी छिन् । आइतबार सामाजिक सञ्जाल ट्विटरमार्फत उनले सिन्धुपाल्चोकको बाह्रबिसेमा शनिबार राती गएको पहिरोबाट भएको जनधनको क्षतिप्रति दुःख व्यक्त गरेकी हुन् ।

‘२०७२ को भूकम्पबाट देशका विभिन्न भाग थङ्थिलो बनेकामा सिन्धुपाल्चोक लगातार पहिरोको जोखिममा परिरहेको छ, त्यहाँ फेरि पहिरोबाट जनधनको क्षति भएकोमा दुःखी भएको छु’ उनले भनेकी छिन् ।

पहिरोको घटनाहरु बढिरहेको सन्दर्भमा भण्डारीले जोखिमयुक्त बस्ती स्थानान्तरण गर्न सरकारको ध्यानाकर्षण गराएकी छिन् । उनले भौगोलिक संवेदनशीलताको अध्ययन तत्कालै गरि स्थानान्तरण गर्नुपर्ने राय राखेकी छिन् ।

उनले भनेकी छिन्, ‘भौगोलिक सम्वेदनशीलताको अध्ययन गरी जोखिमयुक्त वस्ती सुरक्षित क्षेत्रमा स्थानान्तरण गर्न सम्बद्ध पक्षको ध्यानाकर्षण गर्दछु।’

गत शनिबार राती सिन्धुपाल्चोकको बाह्रबीसे नगरपालिकाका विभिन्न स्थानमा गएको पहिरोमा परि ११ जनाको मृत्यु भएको छ । हालसम्म पहिरोमा परेका २० अझै वेपत्ता छन् ।

२०७२ को भूकम्पबाट देशका विभिन्न भाग थङ्थिलो बनेकामा सिन्धुपाल्चोक लगातार पहिरोको जोखिममा परिरहेको छ । त्यहाँ फेरि पहिरोबाट जनधनको क्षति भएकोमा दुःखी भएको छु । भौगोलिक सम्वेदनशीलताको अध्ययन गरी जोखिमयुक्त वस्ती सुरक्षित क्षेत्रमा स्थानान्तरण गर्न सम्बद्ध पक्षको ध्यानाकर्षण गर्दछु।

— Bidya Devi Bhandari (@PresidentofNP) September 13, 2020