हामी सबैकाे संसारन्यूज

२ असोज, काठमाडौँ । नेपाली काँग्रेसका युवा नेता गगन थापाले सहमति गर्ने तर सहमति कार्यान्वयन नगर्ने सरकारलाई सुनाउने गरी हामी सबैले भन्नु पर्ने आग्रह गरेका छन् ।

गुणस्तरीय स्वास्थ्य सेवा र चिकित्सा शिक्षाका लागि डा.गोविन्द केसी १९औँ अनसनमा हुनुहुन्छ। हरेक पटक जनदबाबपछि सरकार सहमति त गर्छ तर कार्यान्वयन गर्दैन।सबैले सरकारलाई सुन्ने गरी भनौँ-‘डा.केसीले रोजेको कष्टकर बाटो आम जनताका लागि हो,उहाँको माग पुरा गर,उहाँको जीवन रक्षा गर!’

— Gagan Thapa (@thapagk) September 18, 2020

१९औँ अनसनमा रहेका डा गोविन्द केसीको माग पुरा गर्न सरकारसँग आग्रह गर्दै उनले यसो भनेका हुन् ।

पूर्वस्वास्थ्यमन्त्रीसमेत रहेको डा केसीको माग पुरा गर्ने सहमति सरकारले पटकपटक गर्ने तर कार्यान्वयन नगर्ने गरेको भन्दै सबैले सरकारलाई सुन्ने गरी भन्न उनले आग्रह गरेका हुन् ।

केसीको माग आम जनताका लागि भएको भन्दै उनले डा केसीको माग पुरा गर्न र उनको जीवन रक्षा गर्न सबैसँग आग्रह गरेका छन् ।