हामी सबैकाे संसारन्यूज

४ असोज, काठमाडौं । हाल मनसुनको न्यून चापीय रेखा नेपाल भन्दा दक्षिण तर्फ रहेको छ ।

आज दिउँसो देशभर आँशिक देखि सामान्य बदली रही थोरै स्थानहरूमा हल्का वर्षाको सम्भावना रहेको र प्रदेश नं १, प्रदेश २, बागमती प्रदेश, गण्डकी प्रदेशका एक\दुई स्थानमा भारी वर्षाको सम्भावना रहेको छ ।

त्यस्तै राति पनि आँशिक देखि सामान्य बदली रही प्रदेश १, बागमती प्रदेश र गण्डकी प्रदेशका थोरै स्थानहरूमा मेघगर्जन÷चट्याङ्ग सहित हल्का वर्षाको सम्भावना रहेको पनि जल तथा मौसम पूर्वानुमान महाशाखाले जनाएको छ ।

त्यस्तै आगामी ३ दिन देशैभरका प्रमुख, मझौला र साना नदीमा बहाव सामान्य घटबढ मात्र हुने, सतर्कता तलै हुने, बाढीको जोखिम न्यून रहेको छ महाशाखाले जनाएको छ भने पर्सी रातीबाट देशैभरका नदीमा बहाव केहि बढ्ने र ५ दिन सम्म नदीतटिय क्षेत्रका कृयाकलापमा सतर्कता अपनाउन पनि महाशाखाले अनुरोध गरेको छ ।