हामी सबैकाे संसारन्यूज

काठमाडौं । आजदेखि आउँदो ५ दिनसम्म देशैभरि मेघ गर्जनसहित वर्षा हुने सम्भावना रहेको जल तथा मौसम विज्ञान विभागले जनाएको छ । उत्तरपूर्व बंगालको खाडीमा विकसित भएको जलवायुको प्रभावले देशका अधिकांश स्थानमा भारी वर्षाको सम्भावना रहेको विभागले जनाएको हो ।

विभागले कतिपय ठाउँमा हावाहुरी र चट्याङ पनि पर्ने सम्भावना रहेको जनाएको छ ।

भारी वर्षातका कारण पहाडी भू–भागमा पहिरो जानसक्ने तथा तराईमा बाढी, डुबान र कटान हुनसक्ने सम्भावना रहेको भन्दै सबै जिल्लाका सुरक्षा निकाय, विपद व्यवस्थापनलाई उच्च सतर्क रहन पनि आग्रह गरेका छ । विभागले खोज, उद्धार र राहतमा प्रयोग हुन सामाग्रीहरु तयारी अवस्थामा राख्न निर्देशन गरेको छ ।

यस्तो छ विभागको सूचना

आजदेखि ५ दिनसम्म देशका प्रायजसो सबै स्थानमा मेघ गर्जन र चट्याङ्ग सहित ठूलो पानी पर्ने सम्भावना भएकाले सुरक्षति रहन र सतर्कता अपनाउन सबैमा आग्रह गर्दछौं । संभावित घटनालाई मध्यनजर गर्दै उद्धार र राहत टिमलाई तयारी अवस्थामा राखिएको जानकारी पनि गराउदछौं । pic.twitter.com/46oRw5FLKO

— NDRRMA (@NDRRMA_Nepal) September 21, 2020