हामी सबैकाे संसारन्यूज

काठमाडौं । शिखर इन्स्योरेन्सले आर्थिक वर्ष ०७५/७६ को नाफाबाट सेयरधनीलाई कुनै पनि लाभांश वितरण नगर्ने भएको छ । सोमबार साँझ बसेको संचालक समितिको बैठकले नाफाबाट लाभांश वितरण नगरी जगेडा कोष कायम गर्ने निर्णय गरेको हो ।

सञ्चालक समितिको बैठकले कम्पनीको आर्थिक वर्ष २०७५/७६ को बीमा समितिबाट निर्जीवन बीमा गर्ने बीमकको वित्तीय विवरण सम्बन्धि निर्देशन बमोजिम वित्तीय विवरणहरु तथा एनएफआरएस बमोजिम वित्तीय विवरण पारित गरी बीमा समितिको स्वीकृतिको लागि पेश गर्ने निर्णय गरेको हो।

इन्स्योरेन्सले आर्थिक वर्ष २०७५/७६ मा ४७ करोड २९ लाख रुपैयाँ खुद नाफा कमाएको थियो। गत आर्थिक वर्षको चौथो त्रैमाससम्ममा उसले ४५ करोड १ लाख रुपैयाँ खुद नाफा कमाएको छ।

यस्तै, २०७६/७७ को वित्तीय विवरणहरुको सैद्धान्तिक स्वीकृतिको लागि बिमा समिति समक्ष पेश गर्ने निर्णय समेत सो बैठकले गरेको नेप्सेमा प्रकाशित सूचनामा उल्लेख छ ।

कम्पनीले दुवै आर्थिक वर्षको साधारणसभा पनि चाँडै गरिने बताएको छ ।