हामी सबैकाे संसारन्यूज

६ असोज, अफ्रिका । गैरआवासीय नेपाली संघको अफ्रिका क्षेत्रीय राहत कोषले कोरोना संक्रमणबाट अफ्रिकामा मृत्यु भएका दुई युवाका परिवारलाई आर्थिक सहयोग गर्ने भएको छ ।

कोरोना संक्रमणका कारण केही दिन अगाडि दक्षिण अफ्रिकामा मृत्यु भएका नियालसन बखिम लिम्बु र आज युगाण्डामा मृत्यु भएका यजेन्द्र प्रताप सेन ठकुरीका परिवारलाई कोषको तर्फबाट एक÷एक लाख सहयोग गर्ने निर्णय गरेको हो ।

उक्त सहयोग मध्ये पचास हजार कोषको खाताबाट र पचास हजार संघका अफ्रिका क्षेत्रीय संयोजक रोशन थापाले ब्यक्तिगत रुपमा कोषमार्फत् सहयोग गर्ने बताइएको छ ।

एनआरएनए अफ्रिका राहतकोषका संयोजक हिक्मत थापाले अफ्रिकाका नेपालीहरुको आपतकालीन सहयोगका लागि अफ्रिकामा कार्यरत नेपालीबाट स्थापित कोषले तत्काल परिवारलाई सानो भए पनि सहयोग पुर्याउने निर्णय गरेको जानकारी संसारन्युजलाई दिएका छन् ।

थापाले यस कार्यका लागि एनआरएनए अफ्रिका संयोजक रोशन थापा लगायत सबै सदस्यहरुलाइ धन्यवाद ब्यक्त गरेका छन् ।

कोरोना संक्रमणबाट अफ्रिकामा पर्वतका युवाको मृत्यु