हामी सबैकाे संसारन्यूज

७ असोज, सिसेल्स । गैरआवासीय नेपाली संघ (एनआरएनए सिसेल्स) ले मिर्गौला रोगले पीडित रामकृष्ण बजगाईँलाई आर्थिक सहयोग गरेको छ ।

मिर्गौला रोगले पीडित बकैंया गाउँपालिका ४ मकवानपुरका बजगाईँलाई एनआरएनए सिसेल्सले ४३ हजार ३१५ रुपैयाँ आर्थिक सहयोग गरेको हो ।

विगत ८ महिनादेखि मिर्गौलाको उपचार गराइरहेका बजगाईँको मिर्गौला प्रत्यारोपणबाहेक अन्य विकल्प नभएको चिकित्सकले सल्लाह दिएको र काठमाडौंको सुमेरु अस्पतालमा साताको दुईपटक डाइलोसिस गराईरहेका उनको आर्थिक अवस्था कमजोर रहेकोले उपचारमा समस्या भएको बताइएको छ ।

मिर्गौला प्रत्यारोपणका लागि खर्च जुटाउन आर्थिक सहयोग गरिदिन सार्वजनिक रुपमै अपिल गरेका बजागाईँको पीडामा थोरै भएपनि आर्थिक सहयोग गर्न पाएकोमा खुसी लागेको एनआरएनए सिसेल्सका उपाध्यक्ष मनोज बिकले संसारन्युजलाई जानकारी दिएका छन् ।

बजगाईलाई सहयोग गर्न चाहनेले आइएमइ ग्लोबल बैकको खाता नम्वर यू ५०७०१००००६५४ मा रकम जम्मा गर्न सकिने तथा ९८६४३३९३०१, ९८६०२१८३३६,९८४९१४९१८५ मा सहयोग गर्नका लागि सम्पर्क गर्न सकिने बताइएको छ ।