हामी सबैकाे संसारन्यूज

१० असोज, नेपालगञ्ज । कोरोना सङ्क्रमणबाट बबई बहुमुखी क्याम्पस बर्दियाका प्रमुख विनोदकुमार अग्रवालको शनिबार निधन भएको छ ।

कोरोना संक्रमित अग्रवालको कोरोना मृत्यु भएको बाँकेका प्रमुख जिल्ला अधिकारी रामबहादुर कुरुम्वाङले जानकारी दिए।फोक्सोको क्यान्सरबाट पीडित ५२ वर्षीय उनको चार दिनअघि स्वाब परीक्षण गर्दा कोरोना पुष्टि भएको थियो ।

दुई वर्षदेखि फोक्सो क्यान्सरका बिरामी अग्रवालको ५२ वर्षको उमेरमा निधन भएको हो। कोरोना संक्रमण देखिएपछि उनी होमआइसोलेशनमै बस्दै आएका थिए ।

दिल्ली स्थित मेदान्त अस्पतालमा नियमित उपचार गराईरहेका उनमा शनिबार बिहान श्वासप्रश्वासमा समस्या भएपछि उपचारार्थ नेपालगञ्जस्थित भेरी अस्पताल लैजाने क्रममा निधन भएको भेरी अस्पताल व्यवस्थापन समिति अध्यक्ष प्रमोद धितालले जानकारी दिएका छन् ।