हामी सबैकाे संसारन्यूज

असोज १६, काठमाडौँ । भारतमा कोरोना भाइरसको संक्रमणबाट मृत्यु हुनेको संख्या १ लाख पुग्न लागेको छ । बिहिबार भारतमा कोरोना संक्रमणबाट १ हजार ९६ जनाको मृत्यु पछि यस प्रकोपबाट ज्यान गुमाउनेको संख्या ९९ हजार ८ सय ४ पुगेको हो।

त्यसैगरी बिहिबार नैँ भारतमा ८१ हजार ६ सय ९३ जना कोरोना भाइरसका नयाँ संक्रमितहरु भेटिएका छन ।  यससँगै भारतमा कुल कोरोना संक्रमितको संख्या ६३ लाख ९१ हजार ९ सय ६० पुगेको छ ।

भारतमा अहिले पनि ९ लाख ४३ हजार ५ सय ३ जना संक्रमित अवस्थामै रहेको छन भने ५३ लाख ४८ हजार ६ सय ५३ जनाको कोरोना भाइरसको संक्रमणबाट मुक्त भएका छन ।

विश्वभरमा भने कोरोना भाइरसबाट संक्रमित संख्या ३ करोड ४४ लाख ७६ हजार ३ सय २३ पुगेको छ भने १० लाख २७ हजार ६ सय ३१ जनाको मृत्यु भएको छ