हामी सबैकाे संसारन्यूज

असोज १६, काठमाडौँ । आईपिएलमा इतिहासमा ५ हजार रन पुरा गर्ने तेस्रो खेलाडी रोहित शर्मा बनेका छन । हिजो भएको किंग्स इलेवन पंजाब विरुद्धको खेलमा उनले यो उपलब्धी हासिल गरेका हुन ।

यस अघि आईपिएलमा ५ हजार रन पुरा गर्ने दुई खेलाडीमात्र रहेका थिए । चेन्नाई सुपर किंग्सका ब्याट्सम्यान सुरेश रैना आईपिएलमा ५ हजार रन बनाउने पहिलो खेलाडी थिए भने रोयल च्यालेन्जर्स बेङ्गलोरका कप्तान विराट कोहली दोस्रो खेलाडी थिए ।

सबै भन्दा बढि रन बनाउने खेलाडीको सुचिका दोस्रो स्थानमा रहेका सुरेश रैनाले आईपिएलमा १९३ खेल खेल्दैँ ५३६८ रन बनाएका छन भने पहिलो स्थानमा रहेका विराट कोहलीले आईपिएलमा १८० खेल खेल्दैँ ५४३० रन बनाएका छन ।

रोहित शर्माले आईपिएलमा १६२ खेल खेल्दैँ ५०६८ रन बनाएका छन । हिजो भएको खेलमा रोहित शर्माले पंजाब विरुद्ध ७० रनको कप्तानी पारी खेल्दैँ टिमलाई जित दिलाएका थिए ।