हामी सबैकाे संसारन्यूज

गण्डकी – गण्डकी प्रदेशका उद्योग, पर्यटन, वन तथा वातावरण मन्त्री विकास लम्सालले गण्डकी प्रदेश कला, साहित्य र ईतिहासमा धनि भएको वताएकाछन् । आज पर्वतको जलजला, ओख्रेनी निवासी पत्रकार, लेखक, चित्रकार तथा कलाकारको रुपमा पहिचान बनाएका तिलक प्रसाद पुनद्वारा लिखित ‘वस्ति भित्र’ पुस्तक विमोचनको क्रममा मन्त्री लम्सालले सो कुरा बताएका हुन् ।

नेपाली समाज र नेपाली पहिचानको मौलिकतालाई पुस्तकको माध्यमबाट स्पर्श गरेको चर्चा गर्दै मन्त्री लम्सालले लेखक पुनलाई शुभकामना व्यक्त गरे । मन्त्री लम्सालले भने, ‘यहाँ भाषा र संस्कृतिको विकास बेलैमा भएको हो ।’ समग्र नेपाली बाङमयको क्षेत्रमा गण्डकी प्रदेशको महत्वपुर्ण भुमिका रहेकोले अहिलेको सन्दर्भमा देशलाई समृद्ध बनाउँदै भाषा, साहित्य र कलाको विकास गर्न पनि पछिल्लो पुस्ता कृयाशिल रहनुपर्ने मन्त्री लम्सालको भनाई छ ।

लेखक पुनद्वारा लिखित ‘वस्ति भित्र’ पुस्तकमा लेखक स्वयंले देशका विभिन्न पर्यटकीय सम्भावना बोकेका स्थानहरुको अध्ययन भ्रमण गरि वस्तुगत विश्लेषण गरेका छन् ।