हामी सबैकाे संसारन्यूज

काठमाडौं – राष्ट्रिय वाणिज्य बैंकले सहुलियत कर्जामा दुधौली नगरपालिकामा सहकार्य गर्ने भएको छ, जसका लागि बैंक र नगरपालिका बिचमा सहकार्य गर्ने विषयमा सम्झौता भएको छ ।

एक समारोहको आयोजना गरि सम्झौतापत्रमा बैंकका प्रमुख कार्यकारी अधिकृत किरणकुमार श्रेष्ठ र दुधौली नगरपालीकाका नगर प्रमुख घनश्याम राउतले हस्ताक्षर गरेका छन् । अब सम्झौता पछि नगरपालिकाले उद्यम व्यवसाय गर्न चाहने व्याक्तिहरुलाई आवश्यक परामर्श र तालिमको व्यवस्था गर्नेछ भने ईच्छुक उद्यमीहरुलाई बैंकले सहुलियत कर्जा लगानी गर्नेछ ।

समारोहमा बोल्दै बैंकका कार्यकारी अधिकृत किरणकुमार श्रेष्ठले बैंकले सम्झौतालाई प्रभावकारीतापुर्वक कार्यान्वयन गर्ने बताए भने नगर प्रमुख राउतले बैंकबाट प्राप्त हुने सुलभ कर्जाको उपभोगबाट नगरबासीले आफ्नो र समुदायको आर्थिक स्तर उकास्ने अपेक्षा व्यक्त गरे ।

समारोहको सञ्चालन बैंकिङ विभागका प्रमुख राज्य लक्ष्मी खड्कीले गरेका थिए भने बैंकका नायब प्रमुख कार्यकारी अधिकृत, उपकार्यकारी अधिकृत, कम्पनी सचिव, नगरपालिकाका कर्मचारी र स्थानिय उद्यमीहरुको सहभागिता रहेको थियो ।