हामी सबैकाे संसारन्यूज

२० असोज, काठमाडौँ । भारतीय क्रिकेट टिम र रोयल च्यालेन्सर्ज बेङ्गलोरका कप्तान विराट कोहलीले टि-२० क्रिकेटमा ९ हजार रन पुरा गरेका छन । हिजो दिल्ली क्यापिट्ल्स विरुद्ध भएको खेलमा उनले यो उपलब्धी हासिल गरेको छ ।

टि-२० क्रिकेटमा ९ हजार रन बनाउने उनी पहिलो भारतीय खेलाडी र विश्वभरमा सातौँ खेलाडी बनेका छन । विराट कोहलीले टि-२० क्रिकेटमा २८६ खेल खेल्दैँ ९०३० रन बनाएका छन। यस अघि टि-२० क्रिकेटमा ६ खेलाडीहरुले मात्र ९ हजार भन्दा बढि रन बनाएका थिए ।

विराट कोहली भन्दा अगाडी रहेको खेलाडीहरु क्रिस गेल, काइरन पोलार्ड, शोएब मलिक, बे्न्डन म्याकुलम, डेविड वार्नर र एराण फिंच हुन । क्रिस गेलले (१३२९६ रन), काइरन पोलार्डले (१०३७० रन), शोएब मलिकले (९९२६ रन), बे्न्डन म्याकुलमले (९९२२ रन), डेविड वार्नरले (९४५१) र एरण फिंचले (९१४८ रन) बनाएका छन ।