हामी सबैकाे संसारन्यूज

काठमाडौं । सत्तारुढ दल नेपाल कम्युनिस्ट (नेकपा) पार्टी नेकपा सचिवालय बैठकमा सांगठनिक एकता र संवैधानिक नियुक्तिका विषयमा छलफल भएको छ । पार्टी प्रवक्ता नारायणकाजी श्रेष्ठका प्रधानमन्त्री निवास बालुवाटारमा बसेको बैठकमा पार्टीको साङ्गठनिक एकीकरण, संवैधानिक राजनीतिक नियुक्ति लगायतबारे छलफल भएको हो ।

उनका अनुसार छलफल भएपनि कुनै पनि विषयमा निर्णय भने भएको छैन् । मंगलबारको बैठकमा मन्त्रिपरिषद् पुनर्गठनबारे छलफल हुने भनिएपनि त्यसबारे भने कुराकानी नभएको श्रेष्ठले जानकारी दिए ।

प्रवक्ता श्रेष्ठले भने,‘आजको बैठकमा मन्त्रिमण्डल पूनर्गठनबारे कुनै छलफल भएन । प्रधानमन्त्रीले यसबारेमा कुनै जानकारी गराउनुभएन । हालै सम्पन्न स्थायी कमिटीको बैठकको निश्कर्ष मन्त्रिमण्डल पूनर्गठन पनि हो ।’

विवादमा देखिएको नियुक्तीको विषयमा दुई अध्यक्षबीच छिट्टै निष्कर्षमा पुग्नेगरि छलफल हुने उनको भनाई छ । उनले भने,‘संगठनात्मक कार्ययोजनाको प्रस्तावबारे यसअघिको सचिवालयको बैठकमा निर्धारित विविधको एजेण्डाबारे आज छलफल भयो । यीलगायत संवैधानिक नियुक्तीको विषय र अन्य विषयमा सामान्य छलफल भयो । छिट्टै अध्यक्ष कमरेडले अरु सबै एजेण्डालाई निश्कर्षमा पुर्याउनुहुनेछ ।’