हामी सबैकाे संसारन्यूज

काठमाडौं । नेपाल कम्युनिष्ट पार्टी (नेकपा)का स्थायी कमिटी सदस्य भीम रावलले नेपाल–चीन सीमाबारे सत्यतथ्य सार्वजनिक गर्न माग गरेका छन् । उनले विवाद उठेका सबै ठाउँका सीमाबारे आवश्यक अध्ययन गरि सत्यतथ्य सार्वजनिक गर्नुपर्ने माग राखेका छन् ।

सोमबार सामाजिक सञ्जालमार्फत नेता रावलले देशको अखण्डतासँग जोडिएको विषय उठेकोले टुंगो लगाउनुपर्ने बताए । उनले भने, ‘हुम्लाको नाम्खा गा।पा।, लिमी लोलुङजङमा नेपाल र चीनको सीमासम्बन्धमा नापी विभाग, परराष्ट्र मन्त्रालय लगायत सरकारका आवश्यक कर्मचारीलाई सामेल गरी स्थलगत अध्ययन गराई सत्यतथ्य सार्वजनिक गरियोस् ।देशको भौगोलिक अखण्डतासंग जोडिएको विषय उठिसकेपछि वस्तुगत किसिमले टुंगो लगाइयोस् ।’

हुम्लाको नाम्खा गा.पा., लिमी लोलुङजङमा नेपाल र चीनको सीमासम्बन्धमा नापी विभाग, परराष्ट्र मन्त्रालय लगायत सरकारका आवश्यक कर्मचारीलाई सामेल गरी स्थलगत अध्ययन गराई सत्यतथ्य सार्वजनिक गरियोस् ।देशको भौगोलिक अखण्डतासंग जोडिएको विषय उठिसकेपछि वस्तुगत किसिमले टुंगो लगाइयोस् ।

— Bhim Rawal, PhD (@BhimRawal179) October 12, 2020

पछिल्लो समय हुम्लासहित देशका विभिन्न भागमा उत्तर तर्फका सीमा मिचिएको बारे केहि तथ्यहरु सार्वजनिक भएका थिए । जसबारे आवश्यक अध्ययन गर्न पनि माग उठेको छ ।

तर, सरकारले भने नेपाल–चीन सीमा क्षेत्रमा कुनै समस्या नभएको बताईरहेको छ । हुम्लाको नाम्खाबारे विवाद आएसँगै सरकारले उक्त क्षेत्र चीनको नै भएको बताएको थियो ।