हामी सबैकाे संसारन्यूज

३ कात्तिक, काठमाडौं । संघीय सांसद हितबहादुर तामाङले पनि दशै भत्ता स्वरुप आफ्नो खातामा आएको रकम फिर्ता गर्ने घोषणा गरेका छन् ।

सामाजिक सञ्जाल फेसबुकमा स्टाटस लेख्दै तामाङले उक्त रकम फिर्ता गर्ने घोषणा गरेका हुन् । दसैं भत्ता गैरकानुनी भएको भन्दै विरोध भएपछि सत्तारुढ दल नेकपा सहित विपक्षी दलका सांसदहरुले रकम फिर्ता गरिरहेका छन् ।

उनले फेसबुकमा लेखेका छन् ‘सांसद भए बापत मेरो व्यक्तिगत खातामा प्राप्त भएको दशै भत्ता स्वरुप रकम फिर्ता गर्ने व्यहोरा सर्वसाधारणको जानकारीको लागि अनुरोध गर्दछु । मुलुक कोरोना भाईरस कोभिड १९ले ग्रस्त छ । जनताका आर्थिक क्रियाकलापहरु पुरै प्रभावित भएका छन् । जनता रोग र भोकको समस्याले प्रताडित मात्रै छैनन् दशै तिहार जस्तो चाडमा आफ्ना बालबालिका र बुढी आमा र बुढा बालाई एक छाक मिठो खान खुवाउन सक्ने अवस्थामा छैनन् । सरकारले नागरिकको स्वास्थ्यसंग सम्बन्धित न्युनतम समस्या पनि हल गर्न सकिरहेको छैन। यस्तो अवस्थामा सांसदले पाउने दशै भत्ता वापतको रकम फिर्ता गर्ने निर्णय गर्दछु र उक्त रकम जनताको स्वास्थ्य सेवासंग सम्बन्धि काममा खर्च गर्न सरकारलाई अनुरोध गर्दछु ।’