हामी सबैकाे संसारन्यूज

४ कार्तिक, कास्की । आफ्नै काकाको हत्या गरेको अभियोगमा ओखलढुंगा सुनकोशी गाउँपालिकाका ईन्द्र बहादुर तामाङलाई आइतबार प्रहरीले पक्राउ गरेको छ । ओखलढुंगा सुनकोशी गाउँपालिका-५ का उनले आफ्नो ५५ वर्षीय टंक बहादुर तामाङ काकाको हत्या गरेको हुन् ।

मृतक टंक पोखरा स्थीत बिजयपुर कोट पर्यटकीय पैदल मार्ग निर्माणको काम गर्दै आएका थिए । वैशाख १ गते बिहान उनी आफु बस्दै आएको मजुवास्थित छाप्रोमा मृत अवस्थामा फेला परेका थिए । घटना पर्चात अनुसन्धानमा खटिएको जिल्ला प्रहरी कार्यालय कास्की र जिल्ला प्रहरी कार्यालय लमजुङको समन्वयमा उक्त कार्यमा संलग्न ईन्द्रलाई लमजुङ मध्यनेपाल नगरपालिका-२ सोतीपसलबाट पक्राउ गरेको हो ।

गत वैशाख २० गते बेलुका टंक र ईन्द्र समेतका व्यक्तिहरुले रक्सी सेवन गरी बसेकोमा भाँडा खसालेको बिषयमा टंक र ईन्द्रबीच चर्काचर्की झगडा हुँदा ईन्द्रले टंकको हत्या गरेको प्रहरीको प्रारम्भिक अनुसन्धानबाट खुल्न आएको छ ।