हामी सबैकाे संसारन्यूज

७ कार्तिक, काठमाडौँ । राजिस्थान रोयल्सलाई ८ विकेटले पराजित गदैँ सनराइजर्स हैदरावाद अकं तालिकाको पाँचौँ स्थानमा उक्लेको छ ।

टस हारेर पहिलो ब्याटिङ्ग गरेको राजिस्थानले २० ओभरमा ६ विकेट गुमाएर १५४ रन बनाएको थियो । राजिस्थानका लागि ब्याटिङ्गमा संजु श्यामसनले सर्वाधिक ३६ रन बनाएको थिए भने बलिङ्गमा हैदरावादका लागि पहिलो खेल खेलिरहेका जेसन होल्डरले सर्वाधिक ३ विकेट लिएका थिए ।

राजिस्थाले दिएको १५५ रनको लक्ष्य हैदरावादले १८.१ ओभरमा २ विकेट गुमाएर पुरा गरेको थियो । हैदरावादका लागि मनिस पांडेले सर्वाधिक ८३ रन बनाएका थिए भने विजय शंकरले ५२ रनको पारी खेलेका थिए । राजिस्थानका लागि जोफ्रा आर्चरले सर्वाधिक २ विकेट लिएका थिए ।