हामी सबैकाे संसारन्यूज

नेपाल आदिवासी नजजाति पत्रकार महासंघ (फोनिज) युकेको अध्यक्षमा पुनः प्रमिला राई निर्वाचित भएकी छन् ।

अक्टोबर २४ मा अनलाइनमार्फत् आयोजना गरिएको फोनिज युकेको तेस्रो अबिधेशनले पुनः राईको अध्यक्षतामा नयाँ कार्यसमिति सर्वसम्मत रुपमा चयन गरेको हो ।

नयाँ कार्यसमितिको उपाध्यक्षमा गोमा राना, महासचिवमा कर्मा पहाडी शेर्पा, सचिवमा भीमल राई, कोषाध्यक्षमा सुशीला गुरुङ र सदस्यहरुमा जानु काम्बाङ, डा. महा राई, विश्वजित थापामगर, सविन्द्रकुमार गुरुङ र बिसनबहादुर गुरुङ चयन भएका हुन् ।

नयाँ कार्यसमितिका पदाधिकारीहरुलाई निर्वाचन समितिका संयोजक मेजर रिटायर्ड सोनामछिरिङ शेर्पाले पद तथा गोपनियताको सपथ ग्रहण गराएका थिए ।