हामी सबैकाे संसारन्यूज

१४ कार्तिक, स्याङ्जा । पुतलीबजार नगरपालिका-६ कोलडाँडा टक्सार पुरीस्वरामा २९ वर्षीय सूर्य बहादुर गुरूङको हत्या गरेको अभियोगमा४ जनालाई बुधबार प्रहरीले पक्राउ गरेको छ ।

हत्या गरेको अभियोगमा पक्राउ पर्नेहरुमा पुतलीबजारकै बछिन डाँडा टक्सारका ३३ वर्षीय टाउके भन्ने इन्द्रजित गुरुङ, ३४ वर्षीय गिरे प्रसाद गुरुङ, २४ वर्षीय किङकङ गुरुङ र २८ वर्षीय सन्तोष गुरुङ रहेका छन् ।

मोटरसाइकलमा हो-हल्ला गर्दै हिडिरहेका युवाहरूको समूहलाई उक्त स्थानमा मादक पदार्थ सेवन गरी बसेका युवाहरूले एक्कासी पछाडिबाट आक्रमण गरेपछि दुवै पक्षका युवाहरू बिच लाठी र ढुङ्गा प्रहार हुदा गम्भीर घाइते भएका सूर्य बहादुरको मणिपाल शिक्षण अस्पताल पोखरामा उपचारको क्रममा मृत्यु भएको हो ।