Sansar News
१४ कार्तिक, दाङ । घोराही उपमहानगरपालिका-१० नारायणपुरका १८ वर्षीय निराजन चौधरीलाई कुटपिट गरी घाइते बनाएको अभियोगमा घोराही उपमहानगरपालिका-१६ बयरबुटा बस्ने प्रवीण चौधरी समेत ६ जनालाई बिहीबार राति प्रहरीले पक्राउ गरेको छ ।
घोराही उपमहानगरपालिका-१५ पाठक चोकमा प्रवीण समेतका १० जनाले निराजनलाई कुटपिट गरी घाइते बनाएका थिए । कुटपिट गर्नेहरुलाई वडा प्रहरी कार्यालय घोराहीबाट खटिएको प्रहरीले पक्राउ गरेको हो । घाइते चौधरीलाई उपचारको लागि राप्ती स्वास्थ्य विज्ञान प्रतिष्ठान घोराही लगिएको छ । कुटपिटमा संलग्न अन्य ४ जनाको खोजी कार्य भैईरहेको छ ।
वि.सं.२०७७ कात्तिक १४ शुक्रवार १६:४४ मा प्रकाशित
